МІНСК, 17 ліс – Sputnik. За апошнія 24 гадзіны на прыгранічнай тэрыторыі ў раёне пункта пропуску "Брузгі" былі зарэгістраваны 15 выпадкаў аказання меддапамогі, паведамілі ў міністэрстве аховы здароўя краіны.
У лагістычным цэнтры, куды перабралася частка мігрантаў у аўторак увечары, увесь час дзяжурыла брыгада хуткай. За мінулую ноч яна аказала дапамогу чацвярым, у тым ліку - аднаму дзіцяці.
Аднагадовы малыш з дыягназам востры гастраэнтэрыт шпіталізаваны з мамай у дзіцячую абласную бальніцу. "Цяпер медыкам удалося стабілізаваць яго стан", - паведамілі ў Міністэрстве аховы здароўя.
Двое дарослых атрымалі меддапамогу на месцы, яшчэ адзін чалавек з нырачнай колікай быў шпіталізаваны ў бальніцу хуткай медыцынскай дапамогі ў Гродне.
"Цяпер у бальніцах Гродна знаходзяцца на шпіталізацыі шэсць пацыентаў з ліку бежанцаў, з іх чацвёра дзяцей", - адзначылі ў ведамстве.
Як паведамляе карэспандэнт Sputnik, на дадзены момант у лагістычным цэнтры знаходзяцца каля 1200 бежанцаў, прыкладна столькі ж засталося ў лагеры.
Таксама на Sputnik:
Лісковіч: медыкі ў цэнтры не выявілі ў мігрантаў сур'ёзных захворванняў
Для жанчын і дзяцей з мяжы арганізавалі начлег у лагістычным цэнтры
Усе іракцы, якія хочуць вярнуцца на радзіму, змогуць гэта зрабіць бясплатна - консул
Польшча пагражае прымяненнем зброі на мяжы ў выпадку неабходнасці
Газ, вадамёты, светлашумавыя гранаты: Польшча сустрэла мігрантаў – відэа
Разгон мігрантаў польскімі сілавікамі на мяжы - фота
Расправа на мяжы: польскія сілавікі прымянілі газ і светлашумавыя гранаты