МІНСК, 19 ліс — Sputnik. Следчы камітэт Беларусі прызнаў 65 чалавек пацярпелымі па крымінальнай справе аб злачынстве супраць бяспекі чалавецтва, паведаміў старшыня СК Дзмітрый Гара.
"Ужо (...) дапытана, прызнана пацярпелымі ад супрацьпраўных дзеянняў 65 асоб", - паведаміў кіраўнік СК.
Паводле яго слоў, сярод пацярпелых 14 непаўналетніх, жанчыны. У асноўным гэта грамадзяне Ірака, але ёсць сярод іх двое грамадзян Беларусі і адзін грамадзянін Расіі.
У мінулы чацвер аб тым, што ўзбуджана крымінальная справа пасля інцыдэнту на беларуска-польскай мяжы, паведаміў генпракурор Андрэй Швед.
Паводле яго слоў, польскія ўлады ажыццяўляюць незаконную дэпартацыю, катаванні і акты жорсткасці ў дачыненні да мігрантаў.
"Прававы аналіз сітуацыі, якая склалася на беларуска-польскай мяжы, сведчыць, што польскія чыноўнікі груба парушаюць міжнароднае права, у той частцы, якая вызначае правы бежанцаў", - сказаў Швед.
Як заявіў кіраўнік СК, "пасля падзей, якія адбыліся 16 лістапада на беларуска-польскай мяжы, следчыя адразу выехалі на месца здарэння для правядзення неадкладных следчых дзеянняў".
"Праца працягваецца да гэтага часу ў бесперапынным рэжыме. У першую чаргу наша задача была зафіксаваць сляды супрацьпраўных дзеянняў польскіх службовых асоб, сляды ўчыненага злачынства", - сказаў Гара.
Што здарылася на мяжы
Некалькі тысяч мігрантаў другі тыдзень знаходзяцца на беларуска-польскай мяжы. Яны заяўляюць, што жадаюць прайсці ў Германію, аднак улады Польшчы іх не прапускаюць.
У мінулы аўторак, 16 лістапада, частка мігрантаў пачала ламаць загароду на польскім баку і кідаць у польскіх сілавікоў камяні. Праваахоўнікі адказалі слёзатачывым газам, у тым ліку выкарыстоўваючы вадамёты.
У выніку пацярпелі як дарослыя, гэтак жанчыны і дзеці, а таксама журналісты, у тым ліку карэспандэнт Sputnik.
Палякі заявілі аб сямі пацярпелых.
Следчы камітэт Беларусі назваў дзеянні польскіх сілавікоў "злачынствам супраць бяспекі чалавецтва" і распачаў справу. Пракуратура Польшчы таксама ўзбудзіла справу - аб нападзенні на супрацоўнікаў сілавых структур на мяжы з Беларуссю.
Чытайце таксама:
Лісковіч: усе мігранты хочуць патрапіць у Германію, а не застацца ў Беларусі
Меркель адмовілася прыняць мігрантаў з мяжы - крыніца
У гасцях добра, а дома лепш: як праходзіў эвакуацыйны рэйс у Ірак