У Мінску стартуе міжнародны кінафестываль "Лістапад"

МІНСК, 20 ліс – Sputnik. У суботу стартуе XXVII Мінскі міжнародны кінафестываль "Лістапад".

Мерапрыемства пройдзе пад слоганам "Кіно – сімфонія адзінства", у рамках фестывалю ў сталіцы прадставяць больш за 100 карцін з 45 краін свету. На экранах можна будзе ўбачыць ігравое і дакументальнае кіно. Акрамя таго, у рамках праграмы "Кіно маладых" пакажуць маладзёжныя карціны, а ў рамках "Лістападзіка" - стужкі для дзяцей.

У гэтым годзе фестываль пройдзе з 20 па 26 лістапада. Ігравое кіно ацэніць журы пад старшынствам расійскага рэжысёра і прадзюсара фільма "А зоры тут ціхія" Рэната Даўлецьярава.

Прэзідэнт Беларусі Аляксандр Лукашэнка накіраваў удзельнікам кінафестывалю "Лістапад" віншаванне ў сувязі з адкрыццём форуму.

Дэвіз "Лістапада", на думку кіраўніка дзяржавы, адлюстроўвае імкненне да гармоніі, стваральнай дзейнасці і захавання традыцый фестывальных сустрэч.

Нагадаем, у гэтым годзе ў кінафестывалю новы арганізатар. На працягу 11 гадоў "Лістапад" быў праектам "Цэнтра візуальных і выканальніцкіх мастацтваў "АРТ Карпарэйшн". У 2021-м міністэрства культуры правяло адкрыты конкурс на выбар арганізатара, але пасля двух тэндэраў, якія не адбыліся, аб'явіў наладжвальнікам фестывалю "Беларусьфільм".

У мінулым годзе "Лістапад" быў адменены за дзень да свайго пачатку з-за пандэміі каронавіруса, у мерапрыемстве павінны былі прыняць удзел каля 120 карцін з 50 краін.

Першы кінафорум "Лістапад" адбыўся ў Мінску ў 1994 годзе, да 2002 года ён называўся "Міжнародны кінафестываль краін СНД і краін Балтыі".