МІНСК, 23 ліс – Sputnik. Эксперты Еўрапейскай камісіі прыехалі ў лагістычны цэнтр "Брузгі" на беларуска-польскай мяжы, дзе жывуць мігранты, перадае карэспандэнт Sputnik.
Экспертаў сустрэў намеснік старшыні Гродзенскага аблвыканкама Віктар Пранюк, ён расказаў аб арганізацыі жыцця ў цэнтры. Намеснік старшыні растлумачыў, што для пражывання мігрантаў выдзелена пятая частка тэрыторыі ТЛЦ.
Прадстаўнікоў ЕК цікавіла пытанне, як бежанцам аказваецца гуманітарная і медыцынская дапамога. Мясцовыя ўлады растлумачылі, што ў цэнтры пастаянна дзяжураць валанцёры і вайскоўцы, якія прывозяць і раздаюць ежу і адзенне. Таксама, паводле слоў Пранюка, меддапамога мігрантам аказваецца нароўні з любым грамадзянінам Беларусі: у крызісным цэнтры працуюць дзве брыгады хуткай дапамогі.
Намеснік старшыні Гродзенскага аблвыканкама расказаў, што бежанцам аказваецца і псіхалагічная дапамога, у першую чаргу такая падтрымка арганізавана для дзяцей. Дзецям прывезлі цацкі, мячы і шмат іншага.
Таксама эксперты спыталі ў мігрантаў, ці ўсяго ім хапае ў цэнтры і ці нармальная тэмпература ў памяшканні. Ад размовы з прэсай прадстаўнікі Еўракамісіі адмовіліся.
Нагадаем, у раёне беларуска-польскай мяжы ў аўторак раніцай рэзка пахаладала, тут упершыню выпаў снег.
Бежанцы спрабавалі рабіць снежных анёлаў і спрабавалі снег на смак - многія з іх яго ніколі не бачылі.
Таксама на Sputnik:
МЗС: эксперты Еўракамісіі ацэньваюць сітуацыю з бежанцамі на мяжы
Савет бяспекі: Беларусь заўсёды за свой кошт займалася аховай мяжы з ЕС
Канцлер Аўстрыі: узаемадзеянне з Лукашэнкам неабходна
Польшча, Чэхія, Славакія і Венгрыя абмяркуюць "беларускіх" мігрантаў
Кіраўнік Еўрапейскага бюро СААЗ прыехаў у лагер "Брузгі"
Расійскі Чырвоны Крыж адкрыў рахунак для дапамогі бежанцам на мяжы Беларусі
У цэнтр бежанцаў на мяжы з Польшчай прыехалі прадстаўнікі ААН у Беларусі