МІНСК, 27 ліс – Sputnik. Прэзідэнт Беларусі Аляксандр Лукашэнка пагаварыў у суботу па тэлефоне з прэзідэнтам Азербайджана Ільхамам Аліевым, паведамілі Sputnik у прэс-службе кіраўніка дзяржавы.
"Кіраўнікі дзяржаў абмеркавалі развіццё двухбаковых адносін", - гаворыцца ў паведамленні.
Прэзідэнты абмеркавалі ўзаемаадносіны Азербайджана з АДКБ.
Таксама Аліеў праінфармаваў Лукашэнку аб выніках праведзенай напярэдадні трохбаковай сустрэчы лідэраў Расіі, Азербайджана і Арменіі.
Сустрэча Уладзіміра Пуціна, Аліева і Нікола Пашыняна праходзіла ў Сочы напярэдадні, 26 лістапада. Палітыкі падпісалі сумесную заяву па выніках перамоваў.
У прыватнасці, яны дамовіліся да канца года стварыць механізмы дэмаркацыі і дэлімітацыі граніцы паміж Арменіяй і Азербайджанам. Таксама лідэры трох краін дамовіліся рабіць захады па павышэнні ўзроўню стабільнасці і бяспекі на азербайджана-армянскай мяжы.