Польшча зафіксавала больш за 100 спроб прарыву мяжы бежанцамі за суткі

МІНСК, 30 ліс – Sputnik. Больш за 100 спроб незаконнага пераходу мяжы бежанцамі зафіксавалі ў Польшчы ў панядзелак, паведамілі ў польскай Пагранслужбе.

Пагранчінікі затрымалі двух украінцаў за садзейнічанне мігрантам у нелегальным перасячэнні мяжы.

"Групы агрэсіўных іншаземцаў фарсіравалі мяжу на ўчастках пагранічных застаў у Мельніке і Шудзялове", - заявілі ў польскай Пагранслужбе.

Раней паведамлялася, што са жніўня па кастрычнік 2021 года ў Польшчы зафіксавалі больш за 28 тысяч спроб бежанцаў незаконна перайсці мяжу.

Міграцыйны крызіс праявіўся вясной гэтага года, праз мяжу з Беларуссю ў Літву, Латвію і Польшчу патрапілі некалькі тысяч выхадцаў з Блізкага Усходу. Вільнюс і Варшава ўвялі на мяжы надзвычайнае становішча, узмацнілі ахову меж за кошт вайскоўцаў і пачалі ўзводзіць загароды з калючага дроту.

Сітуацыя на беларуска-польскай мяжы абвастрылася 8 лістапада, калі ў лесе каля пункта пропуску "Брузгі" з беларускага боку сабралася вялікая колькасць бежанцаў.

Праз тыдзень яны пакінулі стыхійны лагер і накіраваліся непасрэдна да пагранперахода, дзе частка мігрантаў паспрабавала прарвацца ў Польшчу. У адказ польскія сілавікі прымянілі вадамёты, слёзатачывы газ і светлашумавыя гранаты. Пасля людзей размясцілі ў лагістычным цэнтры непадалёк. Бежанцы, якія знаходзяцца ў лагістычным цэнтры, у большасці сваёй пакуль не жадаюць вяртацца на радзіму і чакаюць гуманітарнага калідора ў краіны ЕС.