Мінінфарм абураны санкцыямі ў дачыненні да журналістаў

МІНСК, 3 сне - Sputnik. Міністэрства інфармацыі Беларусі назвала двудушнай пазіцыю краін ЕС і Вялікабрытаніі, якія ўвялі санкцыі ў дачыненні да шэрагу беларускіх СМІ.

У Міністэрстве інфармацыі Беларусі заявілі, што ведамства з крайнім абурэннем успрыняла навіны аб увядзенні ЕС і Вялікабрытаніяй персанальных санкцый у дачыненні да прадстаўнікоў беларускіх СМІ.

"Прычым на гэты раз недапушчальная практыка абмежавальных мер і націску акрамя кіраўнікоў дзяржаўных медыяў была распаўсюджана і на простых журналістаў. Тым самым еўрапейскія ўлады працягнулі і без таго дрэнна скрываемы курс на нівеліраванне агульнапрызнаных стандартаў журналістыкі і ўкараненне цэнзуры", – адзначылі ў Мінінфарме.

Еўрасаюз 2 снежня прыняў пяты пакет санкцыяў супраць Беларусі, гаворыцца ў афіцыйнай заяве Савета ЕС. У гэтым пакеце не толькі 11 суб'ектаў гаспадарання, але таксама 17 фізічных асоб, абвінавачаных у арганізацыі нелегальнай міграцыі. У "санкцыйным спісе" ЕС таксама значыцца старшыня праўлення тэлеканала АНТ Марат Маркаў.

Разам з ЕС свае абмежаванні ў адносінах да Беларусі ўвялі і ЗША. У новы пакет рэстрыкцыяў увайшлі 20 фізічных асоб, 12 арганізацый і тры паветраныя судны. Сярод тых, каго закрануў новы пакет санкцый ЗША, - сын прэзідэнта Беларусі Аляксандра Лукашэнкі Дзмітрый.

Абмежавальныя меры, якія прадугледжваюць забарону на ўезд у Вялікабрытанію і замарозку банкаўскіх рахункаў, уведзены ў дачыненні да старшыні Беларускага саюза журналістаў, палітычнага аглядальніка медыяхолдынгу Белтэлерадыёкампанія Андрэя Крывашэева, намесніка старшыні Белтэлерадыёкампаніі Сяргея Гусачэнкі, палітычнага аглядальніка выдавецкага дома "Беларусь сегодня" Андрэя Мукавозчыка і журналісткі гэтага ж СМІ Людмілы Гладкай, а таксама ў дачыненні да журналіста тэлеканала СТБ Рыгора Азаронка.