МІНСК, 7 сне - Sputnik. Прэзідэнт Беларусі Аляксандр Лукашэнка адзначыў даўні дружалюбны характар адносін паміж Мінскам і Сербіяй.
Сёння кіраўнік беларускай дзяржавы сустракаецца ў Мінску з Ганаровым консулам Беларусі ў Бялградзе, старшынёй групы дружбы з Беларуссю ў парламенце Сербіі Драгамірам Карычам.
"Што датычыцца работы з Сербіяй, перадайце прэзідэнту (прэзідэнт Сербіі Аляксандр Вучыч - Sputnik) самыя добрыя мае пажаданні. Мы як былі надзейнымі сябрамі, так і будзем. І для нашага брата Вучыча, і для сербскага народа. Гэта наш народ", - сказаў беларускі лідар.
Лукашэнка зазначыў, што падчас сустрэч з прэзідэнтам Расіі Уладзімірам Пуціным яны часта абмяркоўваюць сітуацыю на Балканах.
“Павінен вам сказаць, што практычна на кожнай сустрэчы з прэзідэнтам Пуціным мы часта гаворым пра Балканы. А на Балканах у нас хто – Сербія. Заўсёды кропкай апоры для славянства была на Балканах. Яна і сёння ёсць. Вельмі часта мы абмяркоўваем праблемы, якія ў вас існуюць, і настроены на вельмі добрае супрацоўніцтва", - прыводзіць словы Лукашэнкі БелТА.
Ён таксама падкрэсліў, што прэзідэнт Сербіі Вучыч гэта ведае, тым больш што нядаўна сустракаўся з прэзідэнтам Расіі.
"Сваіх надзейных людзей ён з задавальненнем вітае. У нас вельмі часта аб ім, аб Сербіі ідуць размовы", - сказаў Лукашэнка.
Беларускі лідэр сказаў таксама, што заўсёды захапляўся югаслаўскімі будаўнікамі.
"І я вельмі рады, што вы прызямліліся ў Беларусі, знайшлі сваё месца, працуеце. У Беларусі вас вельмі добра ведаюць. Мне здаецца, што самая вядомая будаўнічая кампанія - гэта ваша. Нават нашы кампаніі менш вядомыя. Яна распіярана, раскручана, ды і якасна будуе", - растлумачыў Лукашэнка.
Пры гэтым старшыня Мінгарвыканкама, які прысутнічаў на сустрэчы, удакладніў, што па асобных аб'ектах будаўніцтва ідзе з апярэджаннем тэрмінаў.
Прэзідэнт адзначыў, што Беларусь заўсёды гатова падтрымліваць Сербію і сербскі народ - наколькі гэта магчыма.
"І мы адчуваем з боку Сербіі гэту падтрымку. Галоўнае цяпер - выдужаць", - падвёў вынік беларускі лідэр.