МІНСК, 7 сне - Sputnik. Сітуацыя ў Беларусі "нармальная, стабільная", нягледзячы на "нейкую пандэмію", якая разгарнулася ў свеце. Такое меркаванне выказаў прэзідэнт Беларусі Аляксандр Лукашэнка на сустрэчы з кіраўніком Рэспублікі Башкартастан Радзіем Хабіравым.
Таму беларускі лідэр удвая рады, што прадстаўнічая расійская дэлегацыя прыехала ў Беларусь, адзначыўшы падабенства рэгіёнаў: "Для нас гэтыя краі блізкія".
Ні санкцыі, ні каронавірус не перашкода
Галоўная тэма абмеркавання - аднаўленне дакрызіснага гандлёвага абароту Беларусі з Башкортастанам. За 9 месяцаў 2021 года тавараабарот склаў 280 млн долараў - скараціўся ў параўнанні з аналагічным перыядам 2020-га на 16%.
"Хаця мы і маем каля 6 працэнтаў прыросту нашага экспарту ў рэгіён, усё роўна каля 60 мільёнаў долараў сальда адмоўнае. Таму нам ёсць над чым працаваць, і ваш візіт у Беларусь будзе садзейнічаць выраўноўванню тавараабароту паміж Башкартастанам і Беларуссю", – заявіў Лукашэнка, яго словы прыводзіць агенцтва БелТА.
Вядома, галоўная прычына такога зніжэння - пандэмія, але ёсць і іншыя. Так, прэзідэнт Беларусі звярнуў увагу, што такія моцныя адносіны, правераныя дзесяцігоддзямі, нельга дазволіць разбурыць "рознага роду ці то кавідам, ці то заходнімісанкцыямі".
Разам - лепш!
Аляксандр Лукашэнка прапанаваў абмеркаваць рэзервы, якія дадуць магчымасць актывізаваць гандаль, намеціць вектар супрацоўніцтва на бліжэйшую будучыню. Палітыку вырашылі не абмяркоўваць: паводле слоў беларускага лідэра, "яна ў нас адзіная", разыходжанняў няма.
"Але ваш лозунг "Мы будзем лепш" можна ўпэўнена дапоўніць словамі "Разам мы можам лепш і больш!". Калі вы не супраць, у нас з вамі будзе больш шырокі лозунг", - сказаў прэзідэнт Беларусі.
У планах - тавараабарот паміж дзвюма рэспублікамі да 700 млн долараў. Такія лічбы былі ў 2019 годзе, напрыклад. Лукашэнка ўпэўнены, што пры добра пастаўленай працы можна дасягнуць і мільярда долараў.
Асаблівую ўвагу, паводле слоў беларускага лідэра, трэба ўдзяліць павелічэнню паставак прадукцыі машынабудавання: Беларусь гатова прапанаваць сучасную аўтамабільную, сельскагаспадарчую, дарожна-будаўнічую і камунальную тэхніку вядучых беларускіх прадпрыемстваў: МАЗа, МТЗ, "Гомсельмаша", "Амкадора", БЕЛАЗа, а таксама ліфтавае абсталяванне "Магілёўліфтмаша".
Акрамя гэтага, харчаванне - беларускую прадукцыю добра ведаюць у расійскім рэгіёне. Яшчэ беларускія спецыялісты могуць праектаваць і ўзводзіць аб'екты сацыяльнай інфраструктуры, развіваць сучасныя тэхналогіі і абсталяванне водаачысткі, па сартаванні і перапрацоўцы смецця.
Сумесны тавараабарот з Башкартастанам летась склаў амаль 427 мільёнаў долараў, а за студзень - верасень гэтага года - 280,5 мільёна. Беларусь экспартавала тавараў на суму каля 128 мільёнаў долараў у 2020-м і 111 мільёнаў - за 9 месяцаў 2021-га. Найлепшыя паказчыкі ўзаемнага гандлю былі ў 2018 годзе - 734,8 мільёна долараў.