МІНСК, 17 сне - Sputnik. Прысуд, абвешчаны блогеру Сяргею Ціханоўскаму, будзе абскарджвацца, пра гэта распавёў ягоны адвакат.
"Сёння я атрымаю ў судзе поўны прысуд Сяргею Ціханоўскаму. Мы будзем яго абскарджваць, скарга ўжо мной падрыхтаваная, застаецца ўдакладніць некаторыя моманты", – паведаміў адвакат Ціханоўскага Віктар Мацкевіч Sputnik у пятніцу.
Ён таксама паведаміў, што час на абскарджанне яшчэ ёсць - 10 сутак з моманту абвяшчэння прыгавору.
Мацкевіч таксама расказаў, што ён і Ціханоўскі будуць знаёміцца з аўдыяпратаколам судовага пасяджэння.
Адказваючы на пытанне Sputnik, ці цікавілася ў яго прысудам і абскарджаннем жонка Ціханоўскага – Святлана Ціханоўская – адвакат адказаў адмоўна.
"Не, я з ёй не меў зносіны", - сказаў Мацкевіч.
Па словах адваката, на наступным тыдні плануецца спатканне Ціханоўскага з ягонай маці.
Інфармацыі аб тым, што пракуратур падала пратэст на прысуд па дадзенай справе, пакуль няма.
Прысуд Ціханоўскаму
Калегія па крымінальных справах Гомельскага абласнога суда 14 снежня абвясціла прыгавор па справе аб арганізацыі масавых беспарадкаў і распальванні сацыяльнай варожасці, перашкодзе працы ЦВК.
Па справе праходзілі блогер Сяргей Ціханоўскі і яшчэ пяць абвінавачаных. З вясны мінулага года яны знаходзяцца пад вартай.
Суд на пасяджэнні ў аўторак прызначыў Сяргею Ціханоўскаму 18 гадоў узмоцненага рэжыму, Мікалаю Статкевічу - 14, Ігару Лосіку - 15, Арцёму Сакову - 16, Уладзіміру Цыгановічу - 15 гадоў, Дзмітрыю Папову - 16 гадоў.