У Мінску развіталіся з Героем Савецкага Саюза Васілём Мічурыным

МІНСК, 19 сне – Sputnik. У Мінску развіталіся з Героем Савецкага Саюза Васілём Мічурыным, перадае карэспандэнт Sputnik.

Найстарэйшы Герой Савецкага Саюза Васіль Мічурын памёр у мінулую пятніцу ва ўзросце 105 гадоў. Яшчэ ўлетку яго віншаваў з днём нараджэння прэзідэнт Беларусі Аляксандр Лукашэнка.

Цырымонія развітання з ветэранам прайшла ў нядзелю ў Цэнтральным доме афіцэраў у Мінску. Каля труны дзяжурыла ганаровая варта.

Развітацца з героем прыйшоў і міністр абароны Беларусі Віктар Хрэнін. Прынеслі і вянок ад прэзідэнта рэспублікі Аляксандра Лукашэнкі.

Пахавалі героя з усімі вайсковымі ўшанаваннямі.

Васіль Мічурын нарадзіўся ў Кастрамской губерні Расіі 28 ліпеня 1916 года. Удзельнік савецка-фінскай і Вялікай Айчыннай вайны, кулямётчык. Зорку Героя ён атрымаў у 23 – за мужнасць і подзвіг, учынены ў баі на Карэльскім перашыйку ў Фінскую кампанію, а потым былі Вялікая Айчынная, бітвы, раненні і іншыя ўзнагароды, баявыя ордэны Чырвонай Зоркі і Айчыннай вайны. У Мічурына два сыны, тры ўнучкі і ўнукі і чацвёра праўнукаў.

У Беларусі пасля смерці Васіля Мічурына застаўся адзіны Герой Савецкага Саюза – Іван Кустаў, якому зараз 97 гадоў.