МІНСК, 28 сне – Sputnik. Пацярпеўшымі па справе аб гвалце з боку польскіх сілавікоў прызнаны 140 мігрантаў, беларускія следчыя сабралі пяць тамоў крымінальнай справы, паведамляе выданне "Беларусь сегодня".
Следчым камітэтам Беларусі пасля прымянення польскімі сілавікамі спецсродкаў у дачыненні да мігрантаў Блізкага Усходу была распачата справа па артыкуле "злачынства супраць бяспекі чалавецтва".
"Сто сорак чалавек прызнаны пацярпеўшымі па крымінальнай справе аб зверствах польскіх сілавікоў на польскай мяжы… У пяці тамах справы сабраны факты за перыяд з 8 па 16 лістапада: аб дэпартацыі, катаваннях і актах жорсткасці ў дачыненні да людзей, якія спрабуюць трапіць у Германію" – каля 3500 бежанцаў", – паведамляе выданне "Беларусь сегодня".
"СБ" цытуе начальніка ўпраўлення Генпракуратуры Беларусі Канстанціна Беспаленкава аб тым, што інфармацыю аб тых фактах накіруюць для дачы прававой адзнакі ва ўсе міжнародныя арганізацыі, уключаючы ААН, Савет Еўропы.
Паводле яго слоў, зафіксавана і тое, як польскія сілавікі ўжывалі дадатковыя загароды, ваенізаваныя ўзброеныя патрулі і ачапленні, выкарыстоўвалі авіяцыйную тэхніку ў непасрэднай блізкасці ад беларускай мяжы.
Таксама паведамляецца, што да матэрыялаў крымінальнай справы, які расследуе СК, далучана ўзбуджаная Генеральнай пракуратурай крымінальная справа па арт.123 КК "Прапаганда вайны".
Падставай для ўзбуджэння справы стала распаўсюджаная ў СМІ, інтэрнэце інфармацыя, якая падахвочвае да планавання, падрыхтоўкі і развязвання агрэсіі супраць Беларусі. Зафіксаваны неаднаразовыя публічныя выступленні шэрага грамадзян Польшчы, у тым ліку службовых асоб, з заклікамі ажыццявіць агрэсію Польшчы ў адносінах да Беларусі.
У лістападзе каля мяжы Беларусі і Польшчы сфарміравалася група мігрантаў больш за 2 тысячы чалавек. Мігранты паспрабавалі прарваць мяжу з Польшчай у пункце пропуску "Брузгі", але польскія сілавікі прымянілі вадамёты. Частка мігрантаў вярнулася з Беларусі, але яшчэ некалькі соцень чакаюць адкрыцця гуманітарнага калідора, каб патрапіць у Германію.
Чытайце таксама:
Збеглы польскі салдат распавёў, хто прымушаў яго забіваць мігрантаў
Кісялёў: ЕС і Польшча ў дачыненні да бежанцаў дэманструюць жорсткасць
Збеглы салдат распавёў, што бачыў забойствы на польскай мяжы
Палякі выкарыстоўвалі два тыпы светлашумавых гранат супраць мігрантаў – ДКСЭ
Польшча, Літва і Латвія працягваюць сілком выцясняць бежанцаў – ДПК