МІНСК, 7 сту - Sputnik. Беларуская тэнісістка Аляксандра Сасновіч (107-е месца ў рэйтынгу WTA) выйшла ў паўфінал турніру ў Мельбурне.
У 1/4 турніру ёй супрацьстаяла датчанка Клара Таўсан (44). Сасновіч выйграла першы сэт з лікам 6:3. У другім яна таксама павяла 2:0, аднак прадстаўніца Даніі не змагла прадоўжыць сустрэчу.
Наступнай саперніцай Сасновіч, з якой яна будзе змагацца за выхад у фінал, стане пераможца матчу паміж амерыканскай тэнісісткай Эн Лі (47) і расіянкай Камілай Рахімавай (120).
На шляху да паўфіналу беларуская тэнісістка ўжо абыграла кітаянку Ван Сіньюй (99-я) і шведку Рэбеку Петэрсан (88-я).
Турнір у Мельбурне завершыцца 9 студзеня, яго прызавы фонд складае больш за 239 тысяч долараў ЗША.
Сярод беларусак у Аўстраліі паспяхова выступае Вікторыя Азаранка (27-я), якая ў чацвер выйшла ў 1/4 фіналу турніру катэгорыі WTA-500 у Адэлаідзе.
Першая ракетка Беларусі Арына Сабаленка (2-я) выбыла на старце спаборніцтваў.
17 студзеня спартсменкі пачнуць выступленне на Australian Open у Мельбурне, дзе ў іх будзе магчымасць зарабіць неабходныя балы ў рэйтынг і заваяваць трафей.
Чытайце таксама:
Сасновіч выйшла ў 1/8 фіналу тэніснага турніру ў Мельбурне
Азаранка прабілася ў другі круг турніру ў Адэлаідзе
У першай тройцы: як беларускія тэнісісткі пачнуць 2022 год у рэйтынгу WTA