МІНСК, 8 сту ― Sputnik. Стала вядома папярэдняя прычына абвальвання пешаходнай часткі маста на Нямізе ў Мінску, паведамляе афіцыйны telegram-канал Мінгарвыканкама.
Па дадзеных гарадскіх уладаў, надзвычайнае здарэнне адбылося з-за стомленасці канструкцый у сувязі з работай метро і павышанай нагрузкай з-за скокаў тэмператур.
"Усе канструкцыі пуцеправода будуць правераны максімальна аператыўна і старанна. Высвятляецца, хто і калі праводзіў экспертызу зносу канструкцый і даваў заключэнне аб іх прыдатнасці да эксплуатацыі", — паведаміў намеснік старшыні Мінгарвыканкама Дараховіч.
Пакуль робіцца дэмантаж абваленай часткі маста, эксперты таксама абследавалі ўвесь пуцеправод. Яго, уключаючы частку, прызначаную для руху транспартных сродкаў, потым таксама дэмантуюць, паведаміў намеснік старшыні Мінгарвыканкама.
На гэты момант з-за абрушэння перакрыты не толькі рух транспарту, але і частка пешаходных шляхоў паблізу станцыі метро "Няміга" - закрыта лесвіца з боку плошчы Свабоды ўніз да Нямігі, таксама закрыты выхад з метро з боку Верхняга горада ў напрамку моста. У напрамку вул. Зыбіцкая выхад дзейнічае.
Следчыя і экспертыза
У выніку здарэння ніхто не пацярпеў, на месцы абвальвання працуюць следчыя. Праводзіцца агляд месца здарэння, фіксуецца следавая карціна. Як паведамілі ў СК, апытваюцца відавочцы, устанаўліваюцца ўсе акалічнасці здарэння.
За апошнія 5 тыдняў - з 1 снежня па 7 студзеня - тэмпература паветра ў Мінску больш за 15 разоў рабіла "пераход праз 0", нярэдка падзенне і павышэнне тэмпературы адбывалася на 5 і больш градусаў усяго за некалькі гадзін, прыводзіць даныя агенцтва "Мінск Навіны".
Такая тэмпературная дынаміка найбольш разбуральная для дарожнага палатна і жалезабетонных канструкцый, якія знаходзяцца пад сталай нагрузкай, перадае агенцтва са спасылкай на экспертызу абвальвання маста.