МІНСК, 12 сту – Sputnik. Вільнюс скасоўвае кантракт на перавозку беларускага калію.
Урад Літвы пагадзіўся з вывадам камісіі па вывучэнні здзелак стратэгічных кампаній. Там вырашылі, што пагадненне паміж Літоўскай чыгункай і "Беларуськаліем" супярэчыць інтарэсам нацыянальнай бяспекі і яго трэба скасаваць.
Міністр транспарту Літвы Марыўс Скуодыс на пасяджэнні заявіў, што кантракт перастане дзейнічаць з 1 лютага. Ён быў падпісаны вясной 2018 года на тэрмін да канца 2023 года. Згодна з гэтым дакументам праз Літву і Клайпедскі порт штогод перавозіцца прыкладна 11 млн тон беларускіх удабрэнняў.
ЗША з 8 снежня мінулага года ўвялі санкцыі супраць беларускай кампаніі, але Літоўская чыгунка працягнула транзіт, паколькі калійны гігант пералічыў аванс і спыненне перавозак пагражае сур'ёзнымі эканамічнымі стратамі.
Сітуацыя прывяла да скандалу ў Літве. Міністр транспарту Скуодыс і кіраўнік МЗС Габрыэль Ландсбергіс пагражаліся пайсці ў адстаўку. Але літоўскі прэм'ер Інгрыда Шыманітэ заклікала не спяшацца і абяцала знайсці аптымальнае рашэнне.
У сваю чаргу прадстаўнік ЛЧ заявіў, што кампанія шукае спосабы вярнуць грошы. Па некаторых дадзеных, гаворка ідзе аб суме 10 млн еўра.
Дарагое здавальненне
21 снежня спецыяльная ўрадавая камісія аб'явіла, што дагавор Літоўскай чыгункі з беларускім вытворцам уяўляе пагрозу для бяспекі краіны.
Раней літоўскі дэпутат Казіс Старкявічус заявіў, што разрыў дагавора з "Беларуськаліем" абыдзецца Літве ў $600 млн. Паводле яго ацэнак, гэта толькі штраф, звязаны з упушчанай выгадай беларускага прадпрыемства і ў суму не ўключаны страты ад спынення транзіту.
(будзе далей)
Чытайце таксама:
Улады Калінінграда занепакоены ідэяй забароны транзіту грузаў з Беларусі
Вільнюс заявіў аб жаданні суседзяў пераманіць транзіт грузаў з Беларусі
Літоўскі дэпутат заклікаў не спыняць транзіт "Беларуськалія"
Субоцін распавёў, куды могуць перанакіраваць экспарт калійных удабрэнняў
Лукашэнка: мы павінны "мярзотнікам па той бок" паказаць бяссілле санкцый