МІНСК, 13 сту ― Sputnik. Улады падрыхтавалі праект указа аб узмацненні адказнасці старшыняў праўленняў таварыстваў уласнікаў жылля за эксплуатацыю і захаванасць агульнай маёмасці, дакумент абмеркавалі ў чацвер на нарадзе Аляксандра Лукашэнкі з урадам.
Кіраўнік дзяржавы адзначыў, што да вырашэння гэтага пытання "падвяло само жыццё", прыгадаўшы пратэстныя акцыі ў Беларусі ў жніўні 2020 года.
"Усе мы бачылі, які ўрон быў нанесены будынкам, збудаванням і грамадскай маёмасці ў выніку так званых пратэстных акцый. Дзякуй богу, што яшчэ не спалілі сталіцу, як гэта зрабілі з фінансавай сталіцай Казахстана (Алматы - Sputnik)", - сказаў прэзідэнт.
Нанесены ўрон будынкам, паводле слоў Лукашэнкі, не турбаваў старшынь ТУЖ, а недзе гэта адбывалася па ініцыятыве саміх кіраўнікоў. А на ўстараненне наступстваў беспарадкаў траціліся вялізныя грошы, удакладніў беларускі лідэр.
Пратэсты ў Мінску і шкода ад іх
Як раней паведамляла пракуратура Мінска, бюджэту беларускай сталіцы і камунальным службам нанесены ўрон на суму каля 900 тысяч рублёў (350 млн долараў па курсе Нацбанка на 13 студзеня).
"Мной даваліся даручэнні аб узмацненні адказнасці старшыняў праўленняў таварыстваў уласнікаў і іншых арганізацый за незабеспячэнне захаванасці, належнай эксплуатацыі і ўтрымання агульнай маёмасці. Ну а якую пазіцыю яны займалі, я ўжо не кажу, але мы ўсё гэта цудоўна памятаем", – растлумачыў Лукашэнка.
Вопыт Казахстана
Кіраўнік дзяржавы таксама ўзгадаў нядаўнія падзеі ў Казахстане, дзе пратэстуючыя бясчынствавалі на вуліцах Алматы і іншых гарадоў. Паводле слоў прэзідэнта, гэта дае магчымасць "рабіць жорсткія высновы".
Нагадаем, масавыя пратэсты пачаліся ў Казахстане ў першыя дні 2022 года - жыхары шэрагу гарадоў выступілі супраць двухразовага росту коштаў на звадкаваны газ. Абурэнні месцамі перараслі ў сутыкненні з сілавікамі і пагромы. Марадзёры палілі будынкі і аўтамабілі, рабавалі крамы, ладзілі перастрэлкі, грамілі офісы тэлеканалаў.
У адказ улады ўвялі надзвычайнае становішча па ўсёй краіне да 19 студзеня і распачалі контртэрарыстычную аперацыю. Суму ўрону ад беспарадкаў ацанілі пакуль у 215 мільёнаў долараў.