Што было не так з пуцеправодам на Нямізе, і як задумваліся транспартныя развязкі ў цэнтры Мінска - на пытанні Sputnik адказаў намеснік старшыні Беларускага саюза архітэктараў Міхаіл Гаўхфельд.
"Мост быў пабудаваны ў 60-я гады, праслужыў шмат гадоў, праводзіліся абследаванні канструкцыі і ўсё было нармальна. Абвалілася тое, што прыварылі ў 2017 годзе, гэта былі дадатковыя канструкцыі, наколькі я зразумеў з фатаграфій у Інтэрнэце. Тут больш роля канструктараў, якія павінны былі яшчэ раз праверыць усе апорныя здольнасці канструкцыі, гэта маё асабістае меркаванне, заключэнне павінны даць эксперты-канструктары, якія маюць ліцэнзію на абследаванне такіх канструкцый", – сказаў суразмоўца Sputnik.
Міхаіл Гаўхфельд з'яўляецца аўтарам і суаўтарам стварэння шэрагу вядомых архітэктурных праектаў: комплексу інтэрнатаў на скрыжаванні Партызанскага праспекта і вул. Ангарскай і Палаца культуры МАЗ, дзвюх рэканструкцый стадыёна "Дынама" 1980-га і 2002 гадоў.
У яго паслужным спісе пашырэнне і мадэрнізацыя Нацыянальнага тэніснага цэнтра па праспекце Пераможцаў, дзе знаходзіцца і Універсальны спартыўна-відовішчны і аздараўленчы цэнтр (Футбольны манеж), і лыжна-ролерная траса. Міхаіл Львовіч удзельнічаў і ў праекце рэканструкцыі плошчы Незалежнасці з падземным грамадска-гандлёвым цэнтрам "Сталіца", у стварэнні памятнага знака "Беларусь партызанская", ствараў Мемарыял воінам Першай сусветнай вайны па вул. Старавіленскай.
Каментарый вядомага беларускага архітэктара Міхаіла Гаўхфельда слухайце ў аўдыёзапісе на радыё Sputnik Беларусь.
Таксама на Sputnik:
На Нямізе пачалі будаваць новы мост
Дзе перакрыты рух з-за моста на Нямізе, які абваліўся – інфаграфіка
Пешаходны цэнтр: як разбіраюць мост на Нямізе – відэа