МІНСК, 15 сту – Sputnik. Аперацыя АДКБ у Казахстане стала сігналам для тых, хто точыць мячы ля перыметраў меж Беларусі і Расіі, заявіў у суботу беларускі прэзідэнт Аляксандр Лукашэнка на сустрэчы з міратворцамі, якія вярнуліся з Казахстана.
Кіраўнік дзяржавы прыбыў сёння на аэрадром у Мачулішчах, куды напярэдадні вярнуліся з Казахстана беларускія міратворцы, якія знаходзіліся там у рамках місіі АДКБ.
"Сваімі дзеяннямі, няхай без стральбы, без правядзення спецыяльных аперацый, вы толькі сваёй прысутнасцю ў гэтай краіне забяспечылі мір і парадак. Гэта (аперацыя АДКБ - Sputnik) сігнал усім, хто точыць меч па перыметры беларуска-расійскіх меж", - заявіў Лукашэнка, яго словы цытуе прэс-служба кіраўніка дзяржавы.
Спроба знешняга ўмяшання
Беларускі лідар адзначыў, што падзеі ў Казахстане – гэта чарговая спроба знешняга ўмяшання ва ўнутраныя справы незалежных краін, а пагрозы – агульныя для большасці постсавецкіх дзяржаў.
Арганізатары мяцяжу, як падкрэсліў прэзідэнт, спрабавалі дэстабілізаваць абстаноўку не толькі ў самім Казахстане, але і па перыметры Расіі, каб аслабіць галоўнага саюзніка Мінска.
"Прынятыя па лініі АДКБ меры, увод міратворчых сіл дазволілі зберагчы Казахстан ад развіцця сітуацыі па самым негатыўным сцэнарыі, не далі разгарэцца чарговай каляровай рэвалюцыі. Усё, што адбылося ў Алматы, было б па ўсім Казахстане", - упэўнены беларускі лідар.
Ён адзначыў, што перакідка кантынгенту АДКБ ліквідавала пагрозу разбурэння дзяржаўнасці ў Казахстане, забяспечыла стабілізацыю сітуацыі і аднаўленне канстытуцыйнага парадку.
Хто адправіў міратворцаў?
"Я скажу больш, без хвальбы. Уся гэтая аперацыя, аж да дэталяў, была распрацавана двума прэзідэнтамі - Расіі і Беларусі - на працягу адной гадзіны. Была намечана задума, міністэрствы абароны пад кіраўніцтвам Шайгу і Хрэніна дэталізавалі ў генеральных штабах задуму двух прэзідэнтаў, і ужо праз некалькі гадзін вылецелі першыя самалёты ў Казахстан. Усё было зроблена хутка і рашуча, без ваганняў", - расказаў прэзідэнт.
Ён дадаў, што аперацыя ў Казахстане стала першай, калі міратворцы АДКБ былі задзейнічаны для таго, каб гарантаваць стабільнасць і бяспеку ў дзяржаве-члене Арганізацыі. Гэты поспех можна расцэньваць як эфектыўны механізм барацьбы з так званымі "каляровымі рэвалюцыямі".
Лукашэнка заўважыў, што Казахстан падвергся агрэсіі скаардынаваных тэрарыстычных груп, якія прайшлі спецыяльную падрыхтоўку і маюць баявы вопыт у гарачых кропках.
"Смею вас пераканаць у тым, што вы бачылі абмежаваную прастору, за якую неслі адказнасць. Мы аналізавалі і бачылі абстаноўку ў цэлым. І толькі дзякуючы той моцы, якая была "выкінута" ў Казахстане, не ўдалася тая страшная задума па знішчэнні казахстанскай дзяржавы" , - канстатаваў прэзідэнт.
Чытайце таксама:
Беларускія міратворцы вярнуліся з Казахстана
Міратворцы ўсялілі ў нас надзею: што кажуць людзі, якія прыляцелі з Нур-Султана?
Лукашэнка і Такаеў паразмаўлялі па тэлефоне