МІНСК, 19 сту - Sputnik. Арганізацыя Дагавора аб калектыўнай бяспецы паказала сябе ў Казахстане як эфектыўны механізм супрацьдзеяння міжнародным тэрарыстычным бандам, заявіў намеснік кіраўніка МЗС РФ Алег Сырамалотаў.
Ён адзначыў, што ў выпадку з Казахстанам размова ішла няйначай, як аб "агрэсіі міжнародных тэрарыстычных банд".
"Менавіта таму Савет калектыўнай бяспекі АДКБ у адпаведнасці з артыкулам 4 Дагавора аб калектыўнай бяспецы прыняў 6 студзеня рашэнне накіраваць Калектыўныя міратворчыя сілы АДКБ у Казахстан на абмежаваны па часе перыяд з мэтай стабілізацыі і нармалізацыі абстаноўкі", - сказаў намеснік кіраўніка МЗС Расіі ў інтэрв'ю РІА Навіны.
Гібрыдны тэрарыстычны напад
Галоўная задача тэрарыстаў была адна - здзейсніць дзяржпераварот у краіне, упэўнены намеснік кіраўніка МЗС РФ.
"Відавочна, што бандытамі зроблена гібрыдная тэрарыстычная атака, канчатковай мэтай якой быў дзяржаўны пераварот", - сказаў ён, каменціруючы падзеі ў Казахстане ў пачатку года.
Паводле яго слоў, галоўнай ударнай сілай у Алматы сталі "выхадцы з некаторых краін і рэгіёнаў". Пры гэтым пакуль аб заказчыках рана казаць.
"Хоць упэўнены, што кампетэнтныя органы Казахстана займаюцца прапрацоўкай гэтага пытання", - сказаў расійскі дыпламат.
На ягоную думку, пасля таго, як у краіне пачаліся мірныя пратэсты, гэтым і вырашылі скарыстацца тэрарысты, зацікаўленыя ў гвалтоўным захопе ўлады.
"Казахстан сутыкнуўся з беспрэцэдэнтным выклікам сваёй дзяржаўнасці, бяспецы і суверэнітэту", - сказаў ён.
На думку намесніка міністра знешнепалітычнага ведамства РФ, зацікаўленыя сілы хацелі для дасягнення сваіх мэт дэстабілізаваць унутрыпалітычную сітуацыю.
Можам паўтарыць?
Алег Сырамалотаў адзначыў, што вопыт АДКБ у Казахстане будзе прааналізаваны на выпадак прыняцця тэрміновых мер пры спробах паўтарэння падобных "сюжэтаў" у іншых дзяржавах аб'яднання.
"Сумесна з казахстанскімі партнёрамі і нашымі саюзнікамі па АДКБ вопыт паспяховай міратворчай аперацыі будзе дакладна прааналізаваны, у тым ліку для прыняцця прэвентыўных мер на выпадак спроб паўтарэння падобных "сюжэтаў" у іншых дзяржавах зоны адказнасці АДКБ", - сказаў ён.
Намеснік кіраўніка МЗС РФ Алег Сырамалотаў указаў, што казахстанскія ўлады пасля таго, як былі ўведзены сілы АДКБ змаглі ў хуткія тэрміны стабілізаваць сітуацыю ў краіне.
"Удалося ў сціслыя тэрміны нармалізаваць сітуацыю, аднавіць законнасць і правапарадак у эпіцэнтры крызісу - Алматы", - сказаў ён.
Міжнародныя пагрозы
Алег Сырамалотаў заявіў, што сітуацыя ў барацьбе з тэрарызмам па-ранейшаму няпростая. Ёсць яшчэ шмат гарачых кропак, дзе сітуацыю падрываюць радыкальныя групоўкі. Складанае становішча ў Сірыі і Іраку, дзе радыкальныя групоўкі ўтрымліваюць Ідлібскую зону.
Рызыкі распаўсюджвання тэрарызму і наркатрафіку захоўваюцца і ў Афганістане.
"Дзейнасць тэрарыстычных груповак на тэрыторыі Афганістана і перш за ўсё ў яго прыгранічных раёнах выклікае занепакоенасць суседніх краін і ўсяго рэгіёну", - дадаў намеснік міністра.
Пры гэтым пасля прыходу да ўлады талібаў (рух "Талібан" знаходзіцца пад санкцыямі ААН за тэрарыстычную дзейнасць) не адбылося рэзкага абвастрэння сітуацыі з бяспекай.
У расійскім знешнепалітычным ведамстве зазначаюць, што новыя афганскія ўлады прыкладаюць намаганні па забеспячэнні бяспекі і стабільнасці ў краіне.
Чытайце таксама:
Рэжым надзвычайнага становішча зняты ў Казахстане
Пуцін і Лукашэнка доўга абмяркоўвалі падзеі ў Казахстане – Крэмль
Казахстанскія падзеі: тры ўрокі для Беларусі і Расіі