МІНСК, 19 сту - Sputnik. На месцы будаўнцтва маста на Нямізе работы ідуць па плане, прастояў няма, паведаміў намеснік гендырэктара ДВА "Гаррамаўтадар Мінгарвыканкама" Уладзімір Латушкін на прэс-канферэнцыі.
Ён адзначыў, што пакуль усё ідзе да таго, каб рух па мосце запусціць 10 лютага.
"Нейкіх вялікіх праблем пакуль няма, работы вядуцца кругласутачна, прычым прыцягваюцца разнастайныя спецыялісты і тэхніка. Мы вельмі аператыўна рэагуем на неабходнасць у спецыялізаванай тэхніцы або нейкіх брыгад. Гарадскія арганізацыі адна адной дапамагаюць, прастояў няма", - сказаў Латушкін.
Надзвычайнае здарэнне ў цэнтры сталіцы
Здарэнне з мостам на Нямізе адбылося 8 студзеня раніцай. Пешаходная частка пуцеправода абрынулася, абышлося без трагедый.
Улады горада паведамлялі аб тым, што мост праходзіў праверку кожны год, апошні раз - у сакавіку 2021-га, ніякіх нараканняў не было. Спецыялісты назвалі прычынай абвальвання моста "стомленасць канструкцыі ў сувязі з работай метро і павышанай нагрузкай з-за скокаў тэмператур".
Следчы камітэт у выніку ўзбудзіў дзве крымінальныя справы па артыкулах службовая халатнасць і парушэнне праектаў, абавязковых для захавання патрабаванняў тэхнічных нарматыўных прававых актаў пры вытворчасці будаўніча-мантажных работ.
Рух транспарту вакол моста забаронены да 10 лютага.
Чытайце таксама:
Падмурак і апорныя сцены: як ідзе будаўніцтва моста на Нямізе
Архітэктар расказаў, што прывяло да разбурэння часткі моста на Нямізе
Мэр Мінска расказаў, калі будзе адкрыты новы мост на Нямізе