МІНСК, 21 сту – Sputnik. Прэзідэнт Беларусі Аляксандр Лукашэнка заявіў, што ў ICAO (Міжнароднай арганізацыі грамадзянскай авіяцыі) прызналі той факт, што беларускі бок не перахапляў самалёт Ryanair, які экстрана сеў у Мінску ў траўні мінулага года.
Паводле слоў беларускага лідара, найлепшае рашэнне для экспертаў, якія праводзілі расследаванне інцыдэнту і паўгода збіралі інфармацыю аб ім, - спусціць усё на тармазах.
"Лепшае для іх спусціць усё на тармазах", - сказаў Лукашэнка, наведваючы ў пятніцу ваенны аэрадром у Лунінцы, яго словы прыводзіць БелТА.
Раней дырэктар дэпартамента па авіяцыі Мінтранса Беларусі Арцём Сікорскі заяўляў, што група ICAO, якая працавала ў Мінску, прыняла ўсе доказы беларускага боку наконт таго, што перахвату або прымусу да пасадкі ў Нацыянальным аэрапорце не было.
Што яшчэ ў справаздачы ICAO
Нагадаем, што самалёт авіякампаніі Ryanair выконваў рэйс з Афінаў у Вільнюс 23 траўня 2021 года і экстрана сеў у Мінску з-за іпаведамлення аб мініраванні (якое пазней не пацвердзілася).
Еўрасаюз асудзіў пасадку ў Мінску борта ірландскай кампаніі, пасля чаго ўвёў абмежаванні на палёты як для еўрапейскіх авіякампаній над Беларуссю, так і для беларускіх – над Еўропай.
Міжнародная арганізацыя грамадзянскай авіяцыі ў сваёй справаздачы, якая была апублікавана ў ноч на 18 студзеня, заявіла, што інфармацыя аб бомбе на борце з’яўляецца наўмысна ілжывай, прычым распаўсюджванне гэтай інфармацыі не прыпісваецца якой-небудзь дзяржаве.
Плануецца, што 31 студзеня ў Манрэалі Савет ICAO прыме далейшыя рашэнні па сітуацыі з авіяблакадай Беларусі.
Чытайце таксама:
"Белаэранавігацыя": абвінавачанні ЗША могуць быць часткай ціску на Мінск
ЗША прад’явілі абвінавачанне чыноўнікам Беларусі з-за пасадкі Ryanair у Мінску
Сікорскі пракаменціраваў справаздачу ICAO па інцыдэнце з Ryanair
СК: распаўсюджаны Польшчай запіс перагавораў па рэйсе Ryanair зманціраваны
Кіраўнік Дэпартамента па авіяцыі: пілот Ryanair парушыў інструкцыю, сеўшы ў Мінску