МІНСК, 25 сту - Sputnik. Цэнтрвыбаркам Беларусі паведаміў аб стварэнні пазабюджэтнага фонду на правядзенне канстытуцыйнага рэферэндуму. Інфармацыя аб гэтым размешчана на сайце ЦВК.
Там зазначаецца, што пазабюджэтны фонд створаны ў адпаведнасці з Выбарчым кодэксам.
Ён створаны "ў мэтах дадатковага фінансавання расходаў на падрыхтоўку і правядзенне рэспубліканскага рэферэндуму", паведаміў ЦВК.
Пазабюджэтны фонд фарміруецца за кошт добраахвотнага пералічэння ў яго грашовых сродкаў арганізацый, грамадскіх аб'яднанняў і грамадзян Беларусь, гаворыцца ў паведамленні Цэнтрвыбаркама.
Каму забаронена пералічваць грошы
У адпаведнасці з выбарчым заканадаўствам, у пазабюджэтны фонд забаронена ўносіць грошы бюджэтным арганізацыям, замежным дзяржавам і арганізацыям, міжнародным арганізацыям, замежным грамадзянам, асобам без грамадзянства.
Куды пойдуць сродкі з пазабюджэтнага фонду
Як адзначаецца ў паведамленні ЦВК, грошы з пазабюджэтнага фонду будуць выкарыстаны на аплату дадатковых расходаў падчас правядзення канстытуцыйнага рэферэндуму. Гэта выраб дадатковага тыражу інфармацыйных матэрыялаў, плакатаў з датай рэферэндуму, матэрыяльна-тэхнічнае забеспячэнне тэрытарыяльных і ўчастковых камісій, аплата іншых расходаў.
ЦВК таксама апублікавала нумар рахунку, куды могуць пералічваць грошы юрыдычныя асобы і грамадзяне Беларусі.
Чытайце таксама:
Вылучэнне ў тэрытарыяльныя камісіі на рэферэндум скончылася ў Беларусі
Збор завершаны: беларусы адправілі 9 тысяч прапаноў па Канстытуцыі
ЦВК Беларусі правядзе першае пасяджэнне па канстытуцыйным рэферэндуме