МІНСК, 26 сту - Sputnik. Нягледзячы на санкцыйны ціск, грузапаток праз беларускую мяжу не змяншаецца, аб гэтым заявіў у сераду старшыня Дзяржаўнага мытнага камітэта Уладзімір Арлоўскі.
Ён распавёў, што за мінулы год праз мытную мяжу Беларусі прайшло звыш 2,4 млн грузавых аўтамабіляў, што на 5,6% больш, чым за 2020 год. На 7,7% павялічыўся аб'ём перамяшчаных тавараў - ён склаў амаль 32 млн тон.
Кіраўнік ДМК адзначыў, што за мінулы год беларуская мытня папоўніла рэспубліканскі бюджэт на 10 млрд. 565 млн. рублёў, што на 19% больш, чым у 2020 годзе.
Пры гэтым супрацоўнікамі мытных органаў было выяўлена 279 злачынстваў і 28,7 тысячы адміністрацыйных правапарушэнняў. Канфіскавана больш за 680 кілаграмаў наркатычных сродкаў і псіхатропаў.
Па дадзеных фактах распачата 144 крымінальныя справы. Таксама было знойдзена і канфіскавана 258 адзінак агнястрэльнай і 490 адзінак халоднай зброі, 689 прадметаў, якія ўяўляюць культурную каштоўнасць.
Чытайце таксама:
Чэргі – катастрофа: уезду ў ЕС з Беларусі вадзіцелі фур чакаюць па 6-7 дзён
Лукашэнка даў ацэнку беларускім мытнікам
Лекі з псіхатропамі і наркотыкамі: што і як можна правозіць у Беларусь