МІНСК, 28 сту - Sputnik. Антырэкорд па колькасці заражаных каранавірусам за суткі зарэгістраваны ў Беларусі, паведамілі ў прэс-службе Міністэрства аховы здароўя рэспублікі.
Па дадзеных ведамства, днём раней было зарэгістравана 1974 выпадкі заражэння COVID-19, памерлі 16 пацыентаў. Пры гэтым медыкі ўжо заяўлялі, што ў краіне працягваецца распаўсюджванне штаму каронавіруса "амікрон".
"За суткі ў рэспубліцы зарэгістраваны 2221 пацыент з COVID-19", – сказалі ў Міністэрстве аховы здароўя.
Там таксама ўдакладнілі, што за мінулыя 24 гадзіны ў краіне з бальніц выпісалі 1922 пацыенты.
Паводле інфармацыі Міністэрства аховы здароўя, усяго з пачатку пандэміі ў рэспубліцы зарэгістравалі 736299 чалавек, якія здалі станоўчы тэст на COVID-19. За ўвесь час распаўсюджвання каронавіруса акрыялі 727857 грамадзян.
З пачатку пандэміі ў Беларусі ад каронавіруса памерлі 6009 чалавек - за апошнія суткі прырост смерцяў склаў 16 выпадкаў.
Нагадаем, пік мінулай хвалі распаўсюджвання COVID-19 у рэспубліцы прыпаў на 21 кастрычніка 2021 года - тады было 2097 выпадкаў заражэння за суткі.
Вакцынацыя ў Беларусі
У краіне выкарыстоўваюць кітайскія вакцыны Vero Cell кампаніі Sinopharm, расійскія прэпараты "Спутник V", "Спутник Лайт" і "КовиВак".
Цяпер вядзецца актыўная работа над беларускай вакцынай ад каронавіруса. Паведамлялася, што яна будзе змяшчаць поўны склад антыгенаў, гэта значыць усю вірусную абалонку, якая ўключае не толькі S-бялок, але і N-бялок (не прадстаўлены ў "Спутнике V").
Старшыня прэзідыума НАН акадэмік Уладзімір Гусакоў заявіў, што нацыянальная акадэмія навук плануе да канца года перадаць беларускую вакцыну ад COVID-19 для выкарыстання. Беларуская вакцына будзе аднакампанентнай, але ўводзіцца, хутчэй за ўсё, будзе ў два этапы з інтэрвалам паміж прышчэпкамі 1-2 месяцы. Таксама ў рэспубліцы жадаюць стварыць Цэнтр вірусалогіі ў Нацыянальнай акадэміі навук, плануецца, што гэта дапаможа засцерагчы Беларусь у далейшым.