МІНСК, 28 сту - Sputnik. Замежныя антыбеларускія цэнтры жадаюць дэстабілізаваць абстаноўку падчас рэспубліканскага рэферэндуму, яны распрацоўваюць сцэнары, аж да зрыву галасавання. Аб гэтым заявіў дзяржсакратар Савета бяспекі Беларусі Аляксандр Вальфовіч, паведамляе БелТА.
Паводле яго слоў, беларускія ўлады прымаюць адэкватныя меры рэагавання на выклікі і пагрозы, якія ўзнікаюць, у тым ліку на заканадаўчым узроўні.
"Унесены адпаведныя карэктывы ў практычную дзейнасць сілавога блока, накіраваныя на павышэнне аператыўнасці і эфектыўнасці прымянення існуючых сіл і сродкаў", - сказаў Вальфовіч.
Па падобным сцэнарыі
Дзяржсакратар Савета бяспекі адзначыў, што калектыўны Захад спрабуе дэстабілізаваць абстаноўку на ўсёй постсавецкай прасторы. Ён звярнуў увагу на падабенства падзей у Беларусі і Казахстане. Пры гэтым тэхналогіі ў Казахстане былі ўдасканалены, а інфармацыйныя акцыі, накіраваныя на падагрэў пратэстных настрояў, таксама каардынаваліся з-за мяжы.
"У прыватнасці, вядомыя антыбеларускія Telegram-каналы ў Польшчы аператыўна пераарыентавалася на Казахстан і сталі па ўжо адпрацаваных лекалах штампаваць дэструктыўныя матэрыялы, заклікаць да вулічных пратэстаў", - сказаў Вальфовіч.
Ён нагадаў, што пад выглядам мірных дэманстрацый загадзя падрыхтаваныя і навучаныя баевікі, а таксама замежныя найміты нападалі на сілавікоў, захопліваючы зброю і боепрыпасы, падпальваючы адміністрацыйныя будынкі.
"Для запалохвання радыкалы і марадзёры, у тым ліку злачынцы і рэцыдывісты, забівалі мірных грамадзян, літаральна адразалі галовы сілавікам", - сказаў дзяржсакратар.
Таксама на Sputnyik:
Лукашэнка: "Рэферэндум пакажа, ці сапраўды "Саша 3%"
Беларускі прэзідэнт выказаўся аб непазбежнасці вайны
Лукашэнка: Беларусь і Расія "ламануць так, што мала не здасца"