Мікалай Лукашэнка адкрыў лік і забяспечыў перамогу камандзе бацькі

МІНСК, 29 сту – Sputnik. Мікалай Лукашэнка закінуў першую шайбу ў хакейным матчы каманд прэзідэнта і Магілёўскай вобласці.

Хакейная зборная Аляксандра Лукашэнкі выступае ў аматарскіх рэспубліканскіх спаборніцтвах на прызы Прэзідэнцкага спартыўнага клуба, якім кіруе сярэдні сын беларускага лідара Дзмітрый.

Актыўную ролю ў прэзідэнцкай дружыне адыгрывае малодшы сын. У папярэдняй сустрэчы ў пачатку снежня каманда Лукашэнкі разграміла калектыў Гомельскай вобласці – 8:2, Мікалай Лукашэнка закінуў дзве шайбы і аддаў галявую перадачу.

Хакейная каманда Прэзідэнта ў выніку сённяшняга турніру разграміла калектыў Магілёўскай вобласці - 12:4 (лік па перыядах: 4:0, 4:3, 4:1). Мікалай Лукашэнка вызначыўся 5 разоў.

У рамках XV Рэспубліканскіх спаборніцтваў па хакеі сярод аматараў каманда прэзідэнта таксама ўпэўнена перайграла дружыны Брэсцкай (7:3), Мінскай (5:2) і Гомельскай (8:2) абласцей.

Наступны паядынак адбудзецца 12 лютага, сапернікам стане зборная Гродзенскай вобласці.

Хакейная каманда прэзідэнта 12 разоў выйгравала гэтыя спаборніцтвы, двойчы першынствавалі хакеісты Гомельшчыны і Міншчыны.

Малодшы сын Аляксандра Лукашэнкі даўно выступае за прэзідэнцкую дружыну.

У канцы мінулага года ён з бацькам згуляў за каманду прэзідэнта Расіі Уладзіміра Пуціна і стаў другім бамбардзірам сустрэчы пасля расійскага лідара, закінуўшы 4 шайбы (Пуцін вызначыўся 7 разоў, Аляксандр Лукашэнка двойчы).

Каманда "белых", за якую гулялі два прэзідэнты, у выніку разграміла "чырвоных" з лікам 18:7. Мікалай Лукашэнка тады ўпершыню згуляў у кампаніі знакамітых у мінулым хакеістаў: у матчы прынялі ўдзел алімпіскія чэмпіёны Вячаслаў Фяцісаў, Аляксей Жамноў, Аляксей Касатонаў, Ілья Кавальчук.