Новы антырэкорд па COVID-19 зарэгістраваны ў Беларусі

МІНСК, 29 сту – Sputnik. Новы антырэкорд зарэгістраваны ў Беларусі па колькасці хворых на каронавірус, сведчаць дадзеныя Міністэрства аховы здароўя рэспублікі.

Нагадаем, у пятніцу 28 студзеня ў рэспубліцы быў зафіксаваны абсалютны рэкорд па колькасці тых, хто заразіўся каронавірусам з пачатку пандэміі – 2 221.

Там таксама ўдакладнілі, што ўсяго з сакавіка 2020 года, калі ў краіну прыйшоў каронавірус, у Беларусі зафіксавана больш за 738,6 тысячы выпадкаў заражэння.

Пры гэтым у рэспубліцы ачунялі 729 763 пацыенты, у якіх раней быў пацверджаны дыягназ.

За перыяд ад пачатку пандэміі ў Беларусі памерлі 6 024 грамадзяніны з выяўленай каронавіруснай інфекцыяй (+15 да ўзроўню пятніцы 28 студзеня).

У краіне выкарыстоўваюць кітайскія вакцыны Vero Cell кампаніі Sinopharm, расійскія прэпараты "Спутник V", "Спутник Лайт" і "КовиВак".

Цяпер вядзецца актыўная работа над беларускай вакцынай ад каронавіруса. Паведамлялася, што яна будзе змяшчаць поўны склад антыгенаў, гэта значыць усю вірусную абалонку, якая ўключае не толькі S-бялок, але і N-бялок (не прадстаўлены ў "Спутник V").

Старшыня прэзідыума НАН акадэмік Уладзімір Гусакоў заявіў, што Нацыянальная акадэмія навук плануе да канца года перадаць беларускую вакцыну ад COVID-19 для выкарыстання. Яна будзе аднакампанентнай, але ўводзіцца, хутчэй за ўсё, будзе ў два этапы з інтэрвалам паміж прышчэпкамі 1-2 месяцы.

Таксама ў рэспубліцы жадаюць стварыць Цэнтр вірусалогіі ў Нацыянальнай акадэміі навук, плануецца, што гэта дапаможа засцерагчы ад небяспекі Беларусь у далейшым.