МІНСК, 1 лют – Sputnik. Шэраг дзяржаў-членаў Міжнароднай арганізацыі грамадзянскай авіяцыі (ICAO) заклапочаны прадстаўленай Мінскам інфармацыяй, аб гэтым гаворыцца ў заяве арганізацыі.
Там удакладняецца, што дадзеныя беларускага боку па інцыдэнце з пасадкай у Мінску борта авіякампаніі Ryanair у 2021 годзе нібыта маюць "прабелы і неадпаведнасці".
"Шэраг краін-членаў Савета ICAO выказалі занепакоенасць у сувязі з прабеламі ў інфармацыі, прадстаўленай Беларуссю", - сказана ў заяве па выніках першага пасяджэння ў рамках 225-й сесіі савета арганізацыі.
У прыватнасці, у дакуменце ўказана на неадпаведнасці ў фактах рэканструкцыі падзеі, якія былі на момант расследавання.
У арганізацыі не ўдакладнілі, якія канкрэтна дзяржавы выказалі такую занепакоенасць.
Акрамя таго, як указваецца ў справаздачы па выніках першага дня пасяджэння, з'явіліся некаторыя новыя дадзеныя па інцыдэнце. Хто іх падаў, таксама не гаворыцца.
У сувязі з гэтым следчая група па просьбе Савета ICAO працягне расследаванне.
Адзначым, што ў дыскусіі па інцыдэнце з самалётам Ryanair прынялі ўдзел у тым ліку прадстаўнікі краін, якія не ўваходзяць у Савет ICAO. Гэта Беларусь, Літва, Польшча і Ірландыя.
Справаздача ICAO
Раней у Мінску заявілі, што справаздача ICAO з'яўляецца няпоўнай, бо ў ёй няма запісу перамоў пілота з літоўскім дыспетчарам і шэрагу іншых момантаў - гэта дазволіла б зразумець, чаму каля мяжы самалёт раптам змяніў курс.
Пры гэтым авіяўлады Беларусі адзначылі, што яны далі запісы ўсіх перагавораў і ішлі на сустрэчу ў расследаванні, паказваючы сваю адкрытасць.
Пасадка борта і расследаванне
Самалёт кампаніі Ryanair, які рухаўся па маршруце Афіны-Вільнюс, экстрана прызямліўся ў Мінску 23 мая пасля паведамлення аб мініраванні борта, якое пазней не пацвердзілася. Беларускія праваахоўнікі знялі з рэйса Рамана Пратасевіча, заснавальніка прызнанага экстрэмісцкім у Беларусі Telegram-канала Nexta. Ён і ягоная дзяўчына былі затрыманы ў аэрапорце.
ЕС асудзіў такія дзеянні і ўвёў абмежаванні для палётаў еўрапейскіх авіякампаній над рэспублікай, таксама беларускім авіяперавозчыкам забаранілі выкарыстоўваць паветраную прастору над Еўропай і прызямляцца ў еўрапейскіх аэрапортах. Гэта абмежаванне дзейнічае да гэтага часу.
Раней у інтэрв'ю Sputnik дырэктар беларускага дэпартамента па авіяцыі выказаў меркаванне, што нейкі час пасля апублікавання даклада ICAO забарона на палёты ў Еўропу захаваецца.
Абмеркаванне прамежкавага даклада па "беларускім пытанні" ў ICAO адбылося ў канцы кастрычніка 2021 года, даклад аб інцыдэнце быў апублікаваны 18 студзеня 2022 года.
Чытайце таксама:
Справаздача ICAO па інцыдэнце з самалётам Ryanair няпоўная – Сікорскі
Перахвату самалёта не было: Лукашэнка пракаменціраваў справаздачу ICAO
ЗША прад’явілі абвінавачанне чыноўнікам Беларусі з-за пасадкі Ryanair у Мінску