МІНСК, 11 лют – Sputnik. Федэрацыя фігурнага катання на каньках Расіі не сумняваецца ў сумленнасці і чысціні 15-гадовай фігурысткі Камілы Валіевай, гаворыцца ў заяве федэрацыі.
Расійскае антыдопінгавае агенцтва (РУСАДА) часова адхіліла Валіеву з-за снежаньскага тэста на допінг, але спартсменка падала апеляцыю і забарону на выступленні знялі 9 лютага. Фігурыстка працягне выступленне на Алімпіядзе.
"Федэрацыя фігурнага катання на каньках Расіі не сумняваецца ў сумленнасці і чысціні сваёй спартсменкі, прыкладзе ўсе намаганні для высвятлення абставін таго, што адбылося і акажа ёй неабходную ўсебаковую дапамогу і падтрымку", - адзначылі ў федэрацыі.
Расійскія спартсмены датэрмінова атрымалі перамогу на камандным турніры па фігурным катанні на Алімпійскіх гульнях у Пекіне. Па выніках каманднага турніру нацкаманда Расіі набрала 74 балы, другімі сталі ЗША (65), трэцяе месца – у Японіі (63).
Упершыню камандныя спаборніцтвы з’явіліся ў праграме Гульняў у 2014 годзе (Сочы), тады вікторыю святкавалі расіяне, але ў Пхенчхане-2018 яны сталі другімі.
Расіяне выступалі ў камандным турніры без замен. Турнір уключае ў сябе адвольныя праграмы ў спаборніцтвах спартыўных пар, танцы на лёдзе, спаборніцтвы дзяўчат і хлопцаў у адзіночным катанні.
Так як допінг-проба са станоўчым вынікам у Валіевай была ўзята не падчас Гульняў, то і вынікі каманднага турніру Алімпіяды не падлягаюць перагляду, заявілі ў АКР. Там адзначылі, што робяць усе дзеянні, каб захаваць сумленна заробленае "золата" і абараніць правы сваіх спартсменаў.
Што адбылося
Цырымонія ўручэння ўзнагарод павінна была адбыцца яшчэ ў панядзелак, 7 лютага, аднак за дзве гадзіны да пачатку яе перанеслі на аўторак, а потым увогуле на нявызначаны тэрмін без афіцыйных тлумачэнняў. Некаторыя СМІ выказалі здагадку, што прычынай затрымкі цырымоніі маглі стаць праблемы з допінг-тэсціраваннем у расіян.
Афіцыйны прадстаўнік Міжнароднага алімпійскага камітэта (МАК) Марк Адамс сказаў, што фігурысты свае ўзнагароды атрымаюць да завяршэння Алімпіяды.
Спартсмены зборнай Расіі выступаюць на Алімпіядзе-2022 пад назвай "Алімпійскі камітэт Расіі" (Russian Olympic Committee – ROC). З-за санкцый з боку Сусветнага антыдопінгавага агенцтва ім забаронена выкарыстоўваць нацыянальны сцяг і дзяржаўны гімн.
У такім жа статусе расіяне прысутнічалі і на зімовых Гульнях у Пхенчхане, і на летніх у Токіа. У выпадку перамогі замест гімна Расіі ў Кітаі спартсмены слухаюць музыку Чайкоўскага.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Расійскія хакеісты атрымалі другую перамогу на Алімпіядзе
Лыжнік Бальшуноў прынёс Расіі першае золата на Алімпіядзе
У расійскай алімпійскай каманды – першая ўзнагарода
Антон Смольскі заваяваў сярэбраны медаль у індывідуальнай гонцы
Канькабежка Марына Зуева няўдала стартавала на АГ-2022