МІНСК, 22 лют - Sputnik. Абвастрэнне сітуацыі ў Данбасе не адбілася на абстаноўцы на беларуска-ўкраінскай мяжы.
Як паведамілі Sputnik у Дзяржаўным пагранічным камітэце Беларусі, органы пагранічнай службы краіны ажыццяўляюць ахову гэтага ўчастка граніцы ў штатным рэжыме.
"Афармленне ў пунктах пропуску грамадзян, якія перасякаюць граніцу, і транспарту праводзяцца ў звычайным парадку. Чэргаў у шасці функцыянуючых пунктах пропуску на гэтым напрамку не фіксуецца. У цэлым абстаноўка на паўднёвай мяжы прагназуемая і кантралюемая", - адзначылі ў ДПК.
Умацаваць паўднёвую мяжу
Раней прэзідэнт Беларусі Аляксандр Лукашэнка адзначаў, што менавіта на беларуска-ўкраінскай мяжы неаднаразова спыняліся спробы пазапраўнага правозу зброі і боепрыпасаў.
"Добра, што мы затрымалі гэтых мярзотнікаў, а калі б не?" - спытаў кіраўнік дзяржавы.
Ён адзначыў, што на паўднёвых рубяжах трэба паскорана ствараць групоўку, "каб прыкрыць амаль паўтары тысячы кіламетраў граніцы з Украінай, вялізная працягласць".
Па задуме, сумесныя з Расіяй вучэнні "Саюзная рашучасць - 2022", якія прайшлі ў лютым, праводзіліся ў тым ліку для ўмацавання паўднёвых граніц. Як адзначаў кіраўнік дзяржавы, гэта неабходна Беларусі, а не Расіі.
"У выніку гэтых вучэнняў мы будзем бачыць, дзе і якія часткі нам трэба засяродзіць", - казаў напярэдадні вучэнняў Лукашэнка.
"Яшчэ раз падкрэсліваю: не думайце, што мы нагнятаем абстаноўку, што нам патрэбна гэта вайна. Не патрэбна яна нам. Але калі здарыцца, мы павінны быць гатовы да ўсяго, і нашы ваенныя", - падкрэсліў прэзідэнт Беларусі.
Пасля завяршэння актыўнай фазы вучэння прэзідэнты Беларусі і Расіі вырашылі прадоўжыць праверку сіл рэагавання Саюзнай дзяржавы.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Чытайце таксама:
Расія па-ранейшаму гатова да перагавораў з ЗША – МЗС РФ
Пуцін заявіў аб прызнанні ЛНР і ДНР
Побач – вайна: эксперты аб тым, чаму працягнуліся вучэнні Беларусі і Расіі