МІНСК, 27 лют – Sputnik. Украіна пагадзілася з правядзеннем перагавораў у Гомельскай вобласці, паведаміў кіраўнік расійскай дэлегацыі на перамовах Уладзімір Мядзінскі.
Расійская дэлегацыя адпраўляецца да месца перагавораў.
"Мы ўжо збіраліся з'язджаць, але літаральна каля трох гадзін да нас паступіла інфармацыя з украінскага боку аб зацікаўленасці і пацвярджэнні правядзення перагавораў", - расказаў журналістам Мядзінскі.
Ён удакладніў, што перамовы пройдуць у Гомельскай вобласці, як і прапаноўваў расійскі бок. Цяпер прапрацоўваецца маршрут і выбіраецца найбольш аптымальная тэрыторыя ў Гомельскай вобласці для ўкраінскага боку. Мядзінскі запэўніў, што ўкраінскай дэлегацыі будзе забяспечана максімальная бяспека.
"Мы са свайго боку гарантуем стопрацэнтную бяспеку праезду, маршруту і будзем чакаць на гэтым месцы дэлегацыю Украіны", - падкрэсліў кіраўнік расійскай дэлегацыі.
Уладзімір Мядзінскі сышоў ад адказу на пытанне аб складзе ўкраінскай дэлегацыі: "Я б не хацеў цяпер яго абвяшчаць, убачым", - сказаў ён.
Як рыхтаваліся перамовы Расіі і Украіны
Аб неабходнасці перагавораў прэзідэнт Беларусі Аляксандр Лукашэнка заявіў яшчэ ў чацвер, 24 лютага, і тады ж прапанаваў правесці іх у Мінску. Увечары таго ж дня вярнуцца на шлях міру прапанаваў і прэзідэнт Украіны Уладзімір Зяленскі.
Да раніцы пятніцы, 25 лютага Украіна пазначыла ўмову правядзення перагавораў аб сваім нейтральным статусе: Кіеў павінен атрымаць гарантыі бяспекі.
Прэс-сакратар прэзідэнта РФ Дзмітрый Пяскоў адзначыў, што ў Крамлі звярнулі ўвагу на заяву аб гатоўнасці Зяленскага да перагавораў аб нейтральным статусе Украіны.
А кіраўнік МЗС РФ Сяргей Лаўроў заявіў, што Масква гатова да перамоў - як толькі Узброеныя сілы Украіны складуць зброю.
У відэазвароце ў пятніцу прэзідэнт Украіны Уладзімір Зяленскі зноў прапанаваў расійскаму лідару Уладзіміру Пуцін сесці за стол перагавораў. Дзмітрый Пяскоў заявіў, што Расія гатова адправіць у Мінск на перагаворы з Украінай сваю дэлегацыю. Беларускае МЗС заявіла, што рэспубліка гатова аказаць садзейнічанне ў арганізацыі перагавораў паміж Украінай і Расіяй. Крыху пазней Дзмітрый Пяскоў заявіў, што расійская дэлегацыя для перагавораў з Украінай сфарміравана.
У суботу днём прэс-сакратар прэзідэнта РФ заявіў, што ўкраінскі бок ад перамоў адмовіўся.
Раніцай у нядзелю Уладзімір Зяленскі заявіў, што Кіеў хоча міру і перагавораў з Расіяй, але Мінск у якасці перамоўнай пляцоўкі не падыходзіць.
Тым часам, дэлегацыя ад расійскага боку прыбыла ў Беларусь для перамоў з прадстаўнікамі Кіева, паведаміў прэс-сакратар прэзідэнта Расіі Дзмітрый Пяскоў. Дэлегацыю ўзначальвае Уладзімір Мядзінскі, у склад увайшлі прадстаўнікі МЗС, Мінабароны, Адміністрацыі прэзідэнта, іншых расійскіх ведамстваў. Прэс-сакратар Уладзіміра Зяленскага заявіў, што прэзідэнт Украіны на перамовы ў Беларусь не паедзе.
Расійская дэлегацыя, якая прыбыла ў Мінск, заявіла, што чакае рашэння Кіева аб перамовах да 15:00. Украінскі бок даў згоду ў апошнюю хвіліну.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Зяленскі пагаварыў з Лукашэнкам
"Захад забудзе пра Украіну": Лукашэнка аб аднаўленні краіны – відэа
Лукашэнка: ва Украіне няма ніводнага беларускага салдата ці боепрыпасаў
Зяленскі хоча перагавораў з Расіяй – але не ў Мінску
Расійская дэлегацыя прыехала ў Беларусь на перагаворы з украінцамі - Пяскоў