Правядзенне рэферэндуму ў Беларусі, паводле папярэдняй ацэнкі, адпавядае беларускаму заканадаўству і міжнародным нормам, аб гэтым паведаміў журналістам каардынатар назіральнікаў ад Міжпарламенцкай асамблеі (МПА) СНД на рэферэндуме ў Беларусі, віцэ-спікер Саўфеда Канстанцін Касачоў.
Рэферэндум па змяненнях і дапаўненнях у Канстытуцыю праходзіць у Беларусі. Датэрміновае галасаванне праводзілася з 22 па 26 лютага, асноўны дзень – нядзеля 27 лютага. На рэферэндум акрэдытаваны 194 міжнародныя назіральнікі.
"Наша місія арганізавана па лініі Міжпарламенцкай асамблеі СНД, зарэгістраваны 37 назіральнікаў, мы размеркавалі нашы сілы і магчымасці, працуем і ў Мінску, і ў іншых гарадах Беларусі. Вось мы зараз на 33-м участку Мінска, прыехалі сюды ў тую хвіліну, калі ўчастак адкрыўся, пакуль не было галасуючых", - распавёў Касачоў.
Паводле яго звестак, на стадыі датэрміновага галасавання па ўсёй краіне прагаласавала каля 43% беларусаў. Гэта дае падставы меркаваць, што неабходны мінімум, які складае 50% +1 голас, відавочна, будзе дасягнуты і рэферэндум адбудзецца.
"У тым, што датычыцца арганізацыі галасавання, можна гаварыць, што ўсё арганізавана ў адпаведнасці з самымі высокімі міжнароднымі стандартамі, у людзей ёсць усе магчымасці атрымаць інфармацыю аб галасаванні, азнаёміцца з тэкстам паправак у Канстытуцыю, атрымаць бюлетэнь, яго запоўніць і прагаласаваць", - адзначыў Касачоў.
На гэты момант ніякіх прэтэнзій і заўваг па арганізацыі галасавання на беларускім рэферэндуме ў назіральнікаў няма, падкрэсліў ён.
Таксама паводле інфармацыі Касачова, назіральнікі ад СНД працавалі ў Беларусі задоўга да пачатку папярэдняга галасавання – ацэньвалі і адпаведнасць гэтых працэдур дзейнаму беларускаму заканадаўству, і адпаведнасць міжнародным нормам і стандартам. Падрыхтаваны два афіцыйныя дакументы, адзін з дакументаў датычыцца адпаведнасці працэдуры рэферэндуму беларускаму заканадаўству, другі – міжнародным нормам. Гэтыя дакументы напярэдадні былі перададзены ў ЦВК Беларусі, і ў іх, паводле слоў Касачова, канстатуецца, што "ўсе стандарты, якія ў такіх выпадках маюцца на ўвазе, выкананы бездакорна".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Лукашэнка прагаласаваў на рэферэндуме па папраўках у Канстытуцыю
Бо тут жывём: некаторыя мінчане прыйшлі на ўчасткі яшчэ да адкрыцця
Сёння – асноўны дзень галасавання на рэферэндуме па Канстытуцыі