Кіраўнік расійскай дэлегацыі на перагаворах з Украінай, памочнік прэзідэнта РФ Уладзімір Мядзінскі расказаў, што будуць абмяркоўваць дэлегацыі Украіны і Расіі падчас трэцяга раунда перагавораў.
Сустрэча павінна была пачацца ў 15:00, але ўкраінскі бок спазняецца.
"Гэта ў нас стала дыпламатычнай традыцыяй з боку Украіны. Мы чакаем, мы гатовы да перагавораў. Будуць абмяркоўвацца тры блокі пытанняў", - канстатаваў Мядзінскі.
Аб гуманітарных калідорах
Па словах Мядзінскага, нягледзячы на дамоўленасці з Украінай па гуманітарных калідорах, практычна не адзін з іх не спрацаваў.
"Нацыяналісты перашкаджалі мірным жыхарам выходзіць з горада", - дадаў ён.
Мядзінскі распавёў, як на ўсходняй ускраіне Марыупаля ў раёне праспекта Перамогі невялікая група 20-25 аўтаматчыкаў нацбата паспрабавала выйсці з горада праз пазіцыі Данецкай міліцыі.
"Прытым, як у лепшых традыцыях Вялікай Айчыннай вайны, яны вялі перад сабой прыкладна 150 мірных жыхароў, у тым ліку дзяцей і жанчын", - адзначыў кіраўнік дэлегацыі.
Паводле яго слоў, байцы батальёна "Данбас" крыкнулі: "кладзіся", пачаўся перакрыжаваны агонь, у выніку якога часткова былі знішчаны нацыяналісты, загінулі чатыры мірныя жыхары, пяцёра паранены.
"На жаль, гэта прыклад таго, як працуе гуманітарны калідор у разуменні некаторых украінскіх кіраўнікоў, якія не падпарадкоўваюцца Кіеву, цэнтру. Паводзяць сябе не па законах вайны і чэсці", – падкрэсліў Мядзінскі.
Ён таксама праінфармаваў, што гэтыя ваенныя злачынствы будуць расследавацца. Акрамя таго, пытанне гуманітарных калідораў яшчэ раз будуць узнімаць падчас трэцяй сустрэчы дэлегацый Украіны і РФ.
Перамовы Расіі і Украіны
Першая сустрэча дэлегацый дзвюх краін прайшла 28 лютага на ўкраінска-беларускай мяжы ў Гомельскай вобласці. Бакі абмежаваліся кароткімі заявамі, пасля чаго адбылі на кансультацыі ў свае сталіцы.
Правядзенне другога раунда перагавораў перанеслі на новую пляцоўку па просьбе ўкраінскага боку – на беларуска-польскай мяжы, у раёне Белавежскай пушчы. Сустрэча павінна была адбыцца ўвечары 2 сакавіка, аднак яе перанеслі на раніцу чацвярга, з-за складанай лагістыкі ўкраінскі бок не паспяваў прыбыць на сустрэчу.
У выніку другі раўнд перагавораў прайшоў у Белавежскай пушчы ў чацвер 3 сакавіка. Бакі вызначыліся па гуманітарных калідорах для эвакуацыі мірнага насельніцтва і спыненні агню на час іх адкрыцця.
Трэці раунд перагавораў павінен прайсці ў панядзелак у Брэсцкай вобласці.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Расійская дэлегацыя на перагаворах з Кіевам прыбыла ў Брэст
Пуцін сказаў Эрдагану, калі магчыма прыпыненне спецаперацыі ў Данбасе
ААН спадзяецца на поспех перамоў Украіны і Расіі
Другі раунд расійска-ўкраінскіх перамоў завершаны
Пуцін: зацягванне перамоў прывядзе толькі да з'яўлення новых патрабаванняў