МІНСК, 21 сак - Sputnik. Беларускі бок працягвае аказваць неабходную дапамогу грамадзянам, якія прыбываюць з украінскай тэрыторыі, пра гэта распавялі ў прэс-службе Памежкамітэта РБ.
Паводле звестак ведамства, з 6.00 18 сакавіка па 6.00 21 сакавіка ў Беларусь праехала 1217 грамадзян Украіны, з іх 487 — транзітам (праз Польшчу — 442, праз Літву — 36, Латвію — 9).
У Дзяржпагранкамітэце растлумачылі, што ў Гомельскай вобласці каля граніцы працуюць спецыяльныя пункты для прыбываючых, дзе іх забяспечваюць гарачымі абедамі, прадастаўляюць псіхалагічную і першую медыцынскую дапамогу. Аказаннем дапамогі займаецца Беларускае Таварыства Чырвонага Крыжа і Гомельскае абласное ўпраўленне МНС.
Комплекс працуе паблізу прыгранічнай вёскі Гдзень Гомельскай вобласці, з 19 сакавіка таксама ля пункта спрошчанага пропуску Паддабранка.
Гуманітарны крызіс
Па дадзеных Арганізацыі Аб'яднаны Нацый (ААН), больш за 12 мільёнаў украінцаў маюць патрэбу ў гуманітарнай дапамозе. Не менш за два мільёны жыхароў краіны пакінулі свае дамы, каб перабрацца ў іншыя краіны. У ААН назвалі падзеі ва Украіне "адным з самых сур'ёзных гуманітарных крызісаў у Еўропе з часоў Другой сусветнай вайны".
У асноўным бежанцы з Украіны імкнуцца ў краіны Захаду, аднак ёсць і тыя, хто накіроўваецца ў Беларусь - тут таксама дзейнічаюць гуманітарныя калідоры.
На фоне расійскай ваеннай спецаперацыі ўкраінскі бок прыпыніў працу сваіх пагранпераходаў на граніцы з Беларуссю, пры гэтым беларускія пункты пропуску працуюць у штатным рэжыме.
Прэзідэнт Беларусі раней расказаў, што з 2014 года ў Беларусь прыбылі каля 200 тысяч украінскіх бежанцаў.
>>> Самая актуальная інфармацыя аб сітуацыі вакол Украіны - у Telegram-канале Sputnik Беларусь
Чытайце таксама:
Палявыя сталовыя для ўкраінцаў арганізавалі на беларускай мяжы
"Застаемся жыць у Беларусі": бежанцы з Украіны просяць дапамагчы з працай
Пешшу з чатырма дзецьмі: украінка прайшла праз пекла, эвакуіруючыся ў Беларусь