МІНСК, 23 сак - Sputnik. Афіцыйны прадстаўнік Міністэрства замежных спраў рэспублікі Анатоль Глаз заявіў, што Беларусь скарачае ўкраінскае дыппрадстаўніцтва і закрывае консульства ў Брэсце, перадае карэспандэнт Sputnik.
Глаз зазначыў, што Беларусь з 2020 года фіксуе недружалюбныя дзеянні з боку Украіны. "Дайшло да таго, што ўкраінскія ўлады пачалі непасрэдна і ўскосна ўмешвацца ў нашы ўнутраныя справы, паставілі на нейкую паўзу кантакты паміж дзяржавамі, яшчэ ў 2021 годзе на высокім афіцыйным узроўні назвалі Беларусь варожай краінай", - сказаў ён.
У сваю чаргу Беларусь за ўсе часы не зрабіла ніводнага недружалюбнага кроку ў адносінах да Украіны, адзначыў прадстаўнік МЗС.
"На гэтым фоне нам было таксама вядома аб дзеяннях шэрагу супрацоўнікаў пасольства і генеральнага консульства Украіны ў Беларусі, несумяшчальных з дыпламатычным статусам, актыўнасць гэтай дзейнасці нарастала", - сказаў прадстаўнік МЗС.
Дзеянні за гранню разумення
Народ Украіны быў і застаецца для беларусаў брацкім, а Украіна - суседкай, адзначыў прадстаўнік знешнепалітычнага ведамства.
"Але за гранню нашага разумення знаходзяцца нядаўнія дзеянні ўкраінскіх улад у дачыненні да ні ў чым не вінаватых беларускіх грамадзян, якія не па сваёй волі аказаліся ў зоне канфлікту, канфіскацыя маёмасці, хамскі зварот да беларускіх дыпламатаў і членаў іх сем'яў на КПП Магілёў-Падольскі - усё гэта цынічныя спробы распаліць нянавісць паміж народамі", - сказаў Глаз.
72 гадзіны на ад'езд
У адпаведнасці з арт.11 Канвенцыі аб дыпламатычных зносінах Беларусь прыняла рашэнне аб скарачэнні колькасці ўкраінскіх дыпламатаў на сваёй тэрыторыі, такі крок, паводле слоў Глаза, накіраваны на спыненне недыпламатычнай дзейнасці шэрагу супрацоўнікаў украінскіх загранустаноў, ім прапанавана пакінуць Беларусь на працягу 72 гадзін.
Дыпсклад Украіны ў фармаце 1+4 спакойна можа працягваць працу ў адпаведнасці з мэтамі, вызначанымі Венскай канвенцыяй, падкрэсліў Глаз. У сувязі з адсутнасцю персанала Беларусь таксама вырашыла закрыць консульства Украіны ў Брэсце.
Бязвіз для бежанцаў
У парадку выключэння Беларусь прыняла рашэнне аб магчымасці бязвізавага ўезду з тэрыторыі Украіны, знаходжання і наступнага выезду з Беларусі да 15 красавіка бягучага года як украінцам, так і грамадзянам іншых краін, якія спрабуюць пакінуць зону баявых дзеянняў праз беларускую тэрыторыю, дадаў прадстаўнік беларускай дыпламатыі.
>>> Самая актуальная інфармацыя аб сітуацыі вакол Украіны - у Telegram-канале Sputnik Беларусь
Таксама на Sputnik:
Лукашэнка заявіў пра заходніх шпіёнаў на беларускіх прадпрыемствах
Эстонскія спецслужбы падазраюць у дачыненні да шпіянажу ў Беларусі