МІНСК, 28 сак - Sputnik. Наступны раўнд перагавораў Расіі і Украіны пройдзе 29-30 сакавіка ў фармаце вочнай сустрэчы. Пра гэта ў сваім Telegram-канале заявіў памочнік прэзідэнта Расіі, кіраўнік дэлегацыі Уладзімір Мядзінскі.
"Сёння прайшоў чарговы раўнд перагавораў з Украінай па ВКС. У выніку прынята рашэнне сустрэцца ў вочным фармаце 29-30 сакавіка", - напісаў Мядзінскі.
У сваю чаргу прадстаўнік украінскай дэлегацыі Давід Арахамія заявіў, што новая сустрэча дзвюх дэлегацый пройдзе не ў Беларусі, а ў Турцыі, якую Кіеў запрасіў быць з краін - гарантаў бяспекі. Паводле яго слоў, сённяшнія перагаворы доўжыліся 1,5 гадзіны.
Як раней паведамляў Мядзінскі, перамовы ў анлайн-фармаце паміж экспертнымі групамі ішлі ўвесь час, па 2-3 разы на тыдзень - паміж кіраўнікамі дэлегацый. Ён заяўляў, што па другарадных пытаннях пазіцыі бакоў пачынаюць збліжацца, але па галоўных тэмах "топчамся на месцы".
Патрабаванні Расіі на перамовах застаюцца нязменнымі: нейтральная пазіцыя Украіны, дэмілітарызацыя, дэнацыфікацыя, вызначэнні і прызнанне Крыма, а таксама "шэраг іншых дагаворных пазіцый".
Пасля трох вочных сустрэч перагаворшчыкаў, якія адбыліся на беларускай тэрыторыі 28 лютага, 3 і 7 сакавіка, бакі прынялі рашэнне прадоўжыць узаемадзеянне ў анлайн-фармаце. Першы такі кантакт паміж перагаворшчыкамі адбыўся 14 сакавіка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Расія будзе прадаваць свой газ толькі за рублі
ЕАЭС цалкам адмовіцца ад долара і еўра - міністр Глазьеў
Па якіх артыкулах экспарту Расія лідзіруе ў свеце