Беларусь здымае ўсе абмежаванні на перасячэнне мяжы

МІНСК, 1 кра - Sputnik. Беларусь здымае абмежаванні на перасячэнне сваёй мяжа, паведаміла ў пятніцу прэс-служба ўрада.

Адпаведную пастанову падпісаў кіраўнік Саўміна Раман Галоўчанка.

Дакумент здымае ўсе абмежаванні на перасячэнне дзяржмяжы як для грамадзян Беларусі, так і для замежнікаў.

Пастанова таксама рэгулюе ўмовы вызвалення замежных грамадзян ад прадстаўлення ПЦР-тэстаў пры ўездзе ў Беларусь.

У прэс-службе ўрада адзначылі, што дакумент набывае моц пасля афіцыйнага апублікавання.

Абмежаванні, уведзеныя яшчэ ў лістападзе 2020 года, будуць адменены з 3 красавіка 2022-га. Уезд у краіну і выезд для беларусаў праз сухапутныя межы абмежаваны не будуць. Што тычыцца ПЦР-тэстаў і сертыфікатаў аб вакцынацыі, якія раней былі патрэбны для выезду за мяжу, яны цяпер не спатрэбяцца.

Іншаземцам і асобам без грамадзянства ўезд у Беларусь і выезд з яе таксама не абмежаваны. Аднак для ўезду ў рэспубліку замежным грамадзянам трэба будзе здаваць ПЦР-тэст або даваць сертыфікат аб вакцынацыі.

Важны момант: праходзіць гэтыя працэдуры не трэба іншаземцам, якія мігруюць з Украіны ў Беларусь у сувязі з сацыяльна-палітычнай сітуацыяй, а таксама тым, хто ідзе транзітам праз тэрыторыю іншых краін. Іншаземцам, якія едуць з Украіны да месца свайго пастаяннага пражывання, будзе прадастаўляцца бязвізавы ўезд у Беларусь да 15 красавіка ўключна.

Нагадаем, з 18 сакавіка Расія зняла ўсе абмежаванні на перамяшчэнне грамадзян паміж РФ і Беларуссю. Расіянам для ўезду ў Беларусь, а таксама беларусам для ўезду ў Расію праз беларуска-расійскі ўчастак мяжы ПЦР-тэст (сертыфікат) зараз не патрэбен.

Беларусь закрыла свае наземныя граніцы для перамяшчэння грамадзян у лістападзе 2020 года. Гэта было зроблена падчас пандэміі каронавіруса для таго, каб зменшыць рызыку заражэння грамадзян.