Дырэктара беларускага санаторыя ў Юрмале дэпартавалі з Латвіі

МІНСК, 1 мая - Sputnik. Дырэктара санаторыя "Беларусь" у Юрмале дэпартавалі з Літвы з фармулёўкай "асоба, якая нясе патэнцыйную пагрозу нацбяспецы" краіны.

Цяпер кіраўнік здраўніцы Аляксандр Груздоў знаходзіцца ў Беларусі. У канцы красавіка беларускі санаторый спыніў працу.

"Мы выканалі патрабаванні, спынілі дзейнасць. Я быў дэпартаваны, пазбаўлены віду на жыхарства з правам працы, які мне быў дадзены на перыяд працы па кантракце кіраўніком санаторыя, і неадкладна выдвараны з краіны як асоба, якая нясе патэнцыйную пагрозу нацыянальнай бяспецы Латвіі", – заявіў Аляксандр Груздаў у эфіры тэлеканала "Беларусь 1".

Дырэктар санаторыя расказаў, што напярэдадні дэпартацыі на яго ціснулі латвійскія спецслужбы: прапаноўвалі падпісаць паперы аб непрызнанні Аляксандр Лукашэнкі легітымным прэзідэнтам, затым - асудзіць спецаперацыю Расіі на Украіне.

Аляксандр Груздоў узначальваў санаторый "Беларусь" у Юрмале на працягу 7 гадоў.
Санаторый "Беларусь" належыць упраўленню справамі прэзідэнта Беларусі, а санаторый "Янтарны бераг" з'яўляецца філіялам "Аздараўленчага комплексу "Бор" упраўлення справамі расійскага прэзідэнта.

7 красавіка стала вядома, што ўлады Латвіі збіраюцца замарозіць фінансавыя актывы санаторыяў "Беларусь" і "Янтарны бераг" у Юрмале, якія належаць дзяржструктурам Беларусі і Расіі. Пра такое рашэнне кіраўніцтва санаторыяў даведалася са СМІ.

Санаторый "Беларусь" належыць упраўленню справамі прэзідэнта Беларусі, а санаторый "Янтарны бераг" з'яўляецца філіялам "Аздараўленчага комплексу "Бор" упраўлення справамі расійскага прэзідэнта.

У канцы красавіка беларускі санаторый спыніў прыём адпачывальнікаў і аб'явіў аб закрыцці. Каля 180 супрацоўнікаў засталіся без працы. У здраўніцы растлумачылі, што рашэнне аб закрыцці было прынята кіраўніка справамі прэзідэнта, пакуль часова - з-за немагчымасці працаваць ва ўмовах санкцый.