СК РФ расследуе новыя факты здзекаў з расійскіх вайскоўцаў

МІНСК, 7 мая – Sputnik. Следчы камітэт Расіі расследуе факты здзекаў з расійскіх ваенных у адным з сёл Херсонскай вобласці. Адпаведнае даручэнне даў старшыня СК РФ Аляксандр Бастрыкін.

На відэа, распаўсюджаным у інтэрнэце, зафіксаваны факты здзекаў з памерлых салдат, марадзёры расцягвалі рэчы загінулых і здымалі гэта на відэа. Яны ўжо затрыманы.

Масква не раз звяртала ўвагу на жорсткае абыходжанне з расійскімі вайскоўцамі, а таксама лідэраў міжнародных арганізацый паўплываць на ўкраінскі бок і спыніць катаванні вайскоўцаў. У сетцы не раз з’яўляліся падобныя факты здзекаў з ваеннапалонных РФ і Народнай міліцыі ДНР. Следчыя органы паабяцалі расследаваць кожнае такое злачынства, заявіўшы, што не пакінуць беспакаранымі злачынцаў.

Расія пачала ваенную аперацыю ва Украіне 24 лютага. Прэзідэнт Расіі Уладзімір Пуцін назваў яе мэтай "абарону людзей, якія на працягу васьмі гадоў падвяргаюцца здзекам, генацыду з боку кіеўскага рэжыму", а таксама "дэмілітарызацыю і дэнацыфікацыю Украіны". Па заяве Мінабароны РФ, па стане на 25 сакавіка расійскія Узброеныя сілы выканалі асноўныя задачы першага этапа спецаперацыі – істотна знізілі баявы патэнцыял Украіны.

Бакі пачалі гаварыць аб неабходнасці правядзення перагавораў яшчэ ў першы дзень спецаперацыі. Першы раунд адбыўся 28 лютага, за ім рушылі ўслед яшчэ два – 3 і 7 сакавіка. Усе яны прайшлі на тэрыторыі Беларусі. Потым перамовы праводзіліся ў фармаце відэаканферэнцсувязі.

Чацвёрты вочны раунд перагавораў Расіі і Украіны прайшоў 29 сакавіка ў Стамбуле. Уладзімір Мядзінскі адзначыў, што яны адбыліся канструктыўна, расійскі бок атрымаў шэраг прапаноў ад украінскага. Потым 7 красавіка кіраўнік МЗС РФ заявіў, што Кіеў адышоў ад асноўных стамбульскіх палажэнняў.