Авантура з востравам Змяіны скончылася для Кіева катастрофай – Мінабароны РФ

МІНСК, 11 мая – Sputnik. У Мінабароны Расіі назвалі авантуру кіеўскага рэжыму з востравам Змяіны бяздумнай і заявілі, што яна скончылася для Украіны катастрофай.

Як адзначыў на брыфінгу ў аўторак афіцыйны прадстаўнік Мінабароны РФ генерал-маёр Ігар Канашэнкаў, яна прывяла да бессэнсоўнай гібелі больш за 50 украінскіх вайскоўцаў.

Ён удакладніў, што, спрабуючы захапіць востраў Змяіны, войскі Украіны страцілі 14 самалётаў і верталётаў, у тым ліку тры бамбардзіроўшчыкі Су-24 і адзін знішчальнік Су-27.

Акрамя таго, расійскімі ваеннымі знішчаны 30 беспілотнікаў, з іх 9 – ударныя "Байрактар-ТБ2", паведаміў прадстаўнік Мінабароны РФ.

"Цяпер на Змяіным у выніку правалу аперацыі Кіева застаюцца 27 цел баевікоў украінскіх падраздзяленняў спецпрызначэння і нацыяналістаў", - сказаў Канашэнкаў.

Таксама, паводле яго слоў, у моры былі знішчаны тры ўкраінскія браніраваныя дэсантна-штурмавыя катэры "Кентаўр" з марскім дэсантам на борце.

Аб пачатку ваеннай спецаперацыі ў Данбасе заявіў прэзідэнт Расіі Уладзімір Пуцін. Гэта адбылося 24 лютага, пасля прызнання РФ незалежнасці Данецкай і Луганскай народных рэспублік.

Кіраўнік расійскай дзяржавы абазначыў мэты спецаперацыі – дэмілітарызацыя і дэнацыфікацыя Украіны.

У Мінабароны РФ запэўнілі, што наносяць удары толькі па аб’ектах ваеннай інфраструктуры Украіны і ўкраінскіх войсках.

Па дадзеных ведамства, усяго з пачатку спецаперацыі ўжо знішчаны 164 украінскія самалёты, 125 верталётаў, 798 беспілотных лятальных апаратаў, 302 зенітныя ракетныя комплексы, 2 983 танкаў і іншыя баявыя браніраваныя машыны, 351 устаноўка рэактыўных сістэм залпавага агню, 1 440 гармат палявой артылерыі і мінамётаў, а таксама 2 796 адзінак спецыяльнай ваеннай аўтамабільнай тэхнікі.