МІНСК, 14 мая – Sputnik. Прэзідэнт Беларусі Аляксандр Лукашэнка правядзе рабочы візіт у Расійскую Федэрацыю 16 мая, аб гэтым паведамілі ў прэс-службе кіраўніка дзяржавы.
Лукашэнка прыме ўдзел у "Сустрэчы лідараў" краін АДКБ, прымеркаванай да 30-годдзя падпісання Дагавора аб калектыўнай бяспецы і 20-годдзя стварэння Арганізацыі.
У гэты ж дзень ён правядзе двухбаковыя перамовы з прэзідэнтам Расіі Уладзімірам Пуціным. Асноўнай тэмай сустрэчы будзе паглыбленне супрацоўніцтва дзвюх краін, у тым ліку і ў сферы імпартазамяшчэння.
Нагадаем, што апошнім разам лідары дзвюх дзяржаў сустракаліся падчас візіту Лукашэнкі на Далёкі Усход 12 красавіка. Прэзідэнты анансавалі тады новыя дамоўленасці па супрацоўніцтве ў сферы асваення космасу.
На прэс-канферэнцыі па выніках папярэдняй сустрэчы прэзідэнтаў таксама агучвалася, што вядзецца работа па паглыбленні эканамічнага супрацоўніцтва дзвюх краін, у тым ліку і для пераадолення наступстваў санкцый, уведзеных захадам супраць Расіі і Беларусі.
Тады Лукашэнка адзначаў, што ўрадамі Расіі і Беларусі былі падрыхтаваны пакеты мер супраць санкцый. Ён тлумачыў, што плануецца прыняць меры, якія падтрымаюць эканоміку ў цэлым, а таксама вырашаць пытанні замяшчэння імпартных тавараў і пераналадзяць лагістыку, якая пацярпела ад санкцый.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Лукашэнка расказаў, што плануе абмеркаваць на сустрэчы з Пуціным
Беларусь і Расія дамовіліся па цэнах на газ у рублях
Тавараабарот паміж РФ і Беларуссю кампенсуе экспартныя страты – Грызлоў
Лукашэнка і Пуцін абмеркавалі інтэграцыю і сітуацыю ва Украіне
Грызлоў назваў важныя напрамкі супрацоўніцтва Беларусі і Расіі