Фінляндыя прыняла афіцыйнае рашэнне аб уступленні ў НАТА

МІНСК, 15 мая – Sputnik. Фінляндыя прыняла афіцыйнае рашэнне аб уступленні ў НАТА, гаворыцца ў заяве ўрада краіны.

Рашэнне прынята на сумесным пасяджэнні прэзідэнта і ўрадавага камітэта па знешняй палітыцы і палітыцы бяспекі. У парламенце яго плануецца абмеркаваць у панядзелак, чакаецца, што ўжо ў аўторак пройдзе галасаванне па гэтым пытанні. Па дадзеных СМІ, ужо ў сераду будзе пададзена заяўка ў НАТА.

Фінляндыя да гэтага часу не з’яўлялася членам Паўночнаатлантычнага альянсу і захоўвала нейтралітэт, як і суседняя з ёй Швецыя. Пасля пачатку спецаперацыі па дэмілітарызацыі і дэнацыфікацыі Украіны кіраўніцтва абедзвюх краін загаварыла аб уступленні ў альянс.

Фінляндыя планавала ўступіць у Паўночнаатлантычны альянс ужо гэтым летам. Па праведзеных раней апытаннях грамадскай думкі, 62% насельніцтва Фінляндыі падтрымлівалі ўступленне ў НАТА.

Генеральны сакратар НАТА Йенс Столтэнберг раней заяўляў, што альянс зацікаўлены ў найхутчэйшым уступленні ў яго Фінляндыі і Швецыі.

Далучэнне Фінляндыі да недружалюбных крокаў у дачыненні да Расіі выклікае шкадаванне, заявіў прэс-сакратар прэзідэнта РФ Дзмітрый Пяскоў.

У сваю чаргу намеснік міністра замежных спраў Расіі Аляксандр Грушко адзначыў, што рашэнне аб рэакцыі Расіі на ўступленне Фінляндыі і Швецыі ў НАТА не будзе прымацца на эмоцыях, рушыць услед дакладны аналіз. Аднак без палітычнай рэакцыі такое застацца не можа, падкрэсліў Грушко.

Пасол РФ у ЗША Анатоль Антонаў лічыць рашэнне Фінляндыі і Швецыі далучыцца да НАТА памылковым.