Пасол РФ у ЗША: капітуляцыі Масквы ва Украіне не будзе
13:26 15.05.2022 (абноўлена: 15:45 28.06.2022)
© Sputnik / Илья Питалев
/ Падпісацца
ЗША самі загналі ў тупік дыялог з Расіяй, праігнараваўшы яе заклапочанасці ў сферы нацыянальнай бяспекі, лічыць пасол РФ у ЗША.
МІНСК, 15 мая – Sputnik. Расійская Федэрацыя цвёрда кажа Злучаным Штатам Амерыкі, што капітуляцыі Масквы ва Украіне не будзе, заявіў пасол РФ у Вашынгтоне Анатоль Антонаў.
"Мы цвёрда і ясна гаворым і адназначна ў гэтым упэўнены, па крайцняй меры расійскія дыпламаты, якія працуюць тут, такой капітуляцыі не будзе, ніколі не будзе. Мы цвёрда ўпэўнены, што ўсе задачы, якія паставіў вярхоўны галоўнакамандуючы перад нашымі ўзброенымі сіламі, яны будуць цалкам выкананы", - сказаў Антонаў у эфіры тэлеканала "Соловьев Live".
Ён таксама адзначыў, што сітуацыя вакол Украіны вельмі небяспечная, Злучаныя Штаты Амерыкі ўсё глыбей уцягваюцца ў канфлікт з непрадказальнымі наступствамі.
Дыялог у тупіку
ЗША самі загналі ў тупік дыялог з Расіяй, праігнараваўшы яе заклапочанасці ў сферы нацыянальнай бяспекі, лічыць Анатоль Антонаў. У дадатак да гэтага, Вашынгтон замарозіў усе вочныя кантакты з расійскім пасольствам, канстатаваў пасол РФ.
"Зносіны адбываюцца выключна па тэлефоне і электроннай пошце, ды і то толькі па тэхнічных пытаннях. На жаль, працягваецца і візавая вайна", – растлумачыў ён.
На яго думку, ЗША маглі прадухіліць ваенны канфлікт, для гэтага дастаткова было пераканаць Кіеў сесці за стол перагавораў з прадстаўнікамі Данбаса – і зрабіць гэта да 24 лютага 2022 года. Аднак за акіянам усе расійскія патрабаванні, усе пытанні, якія выклікалі заклапочанасць з боку Масквы, праігнаравалі.
"Нам па сутнасці прапанавалася легчы пад колы цягніка НАТА, які рухаецца на вялізнай хуткасці ў бок Расіі", – растлумачыў дыпламат.
Памылковае рашэнне
Анатоль Антонаў лічыць рашэнне Фінляндыі і Швецыі далучыцца да НАТА памылковым.
"Сітуацыя яшчэ больш пагаршаецца з палітычным рашэннем Фінляндыі і Швецыі далучыцца да Паўночнаатлантычнага блока. Гэта памылковае рашэнне, яно не садзейнічае стабілізацыі сітуацыі, наадварот, стварае дадатковыя пагрозы для еўрапейскай бяспекі", – растлумачыў ён сваё стаўленне да гэтай сітуацыі.
Пагрозы дыпламатам
Супрацоўнікі расійскага пасольства ў Вашынгтоне атрымліваюць пагрозы, у тым ліку фізічнай расправы, заявіў пасол РФ у Вашынгтоне Анатоль Антонаў.
"Добрае параўнанне, мабыць, я з ім пагаджуся – гэта як абложаная крэпасць. У прынцыпе, наша пасольства працуе ў варожым асяроддзі", - сказаў ён, адказваючы на пытанне вядучага аб тым, ці падобна цяпер праца пасольства РФ у ЗША на абложаную крэпасць.
Антонаў распавёў, што каля дыппрадстаўніцтва штодзённа праходзяць антырасійскія акцыі, здзяйсняюцца хуліганскія выхадкі, акты вандалізму.
Пасол адзначыў, што дзеячы амерыканскіх спецслужбаў "флануюць вакол расійскага пасольства, раздаючы тэлефоны ФБР і ЦРУ, па якіх можна патэлефанаваць для ўстанаўлення "кантактаў".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Перамовы з Украінай фактычна прыпыніліся – Пуцін
Расія не верыць у бяскрыўднасць уступлення Украіны ў ЕС – Лаўроў
Вышэйшае кіраўніцтва Фінляндыі аб’явіла аб рашэнні ўступіць у НАТА
У працы ўкраінскіх біялабараторый удзельнічалі не толькі ЗША – Мінабароны РФ
Расіі не пакінулі шансу вырашыць сітуацыю на Украіне мірным шляхам – Пуцін
