МІНСК, 17 мая – Sputnik. Больш за 250 баевікоў, якія хаваліся на камбінаце "Азоўсталь", склалі зброю і здаліся ў палон за мінулыя суткі, заявіў у аўторак афіцыйны прадстаўнік расійскага Мінабароны Ігар Канашэнкаў.
З украінскіх вайскоўцаў, якія здаліся ў палон, быў 51 цяжкапаранены, удакладніў генерал. Іх адправілі ў бальніцу Новаазоўска на тэрыторыі ДНР.
Міністэрства абароны Расіі напярэдадні паведаміла аб дасягненні дамоўленасці з вайскоўцамі Украіны аб тым, каб вывезці параненых з "Азоўсталі". Расійскі бок для гэтых мэт адкрыў гуманітарны калідор, быў абвешчаны рэжым цішыні.
Месячная блакада
У сярэдзіне красавіка Мінабароны РФ заявіла, што ад украінскай арміі, замежных наёмнікаў і неанацыстаў з палка "Азоў" (супраць баевікоў якога ў Расіі ўзбуджана крымінальная справа) зачышчаны ўвесь Марыупаль. Рэшткі ўкраінскай групоўкі аказаліся заблакіраваны на металургічным камбінаце "Азоўсталь". Многія з іх даволі працяглы час знаходзіліся без прадуктаў харчавання і вады.
Пры гэтым прадстаўнікі ўкраінскіх улад у катэгарычнай форме забаранялі здавацца ў палон, пагражаючы расстрэламі па ўмовах "ваеннага часу".
Спецаперацыя ў Данбасе
Аб пачатку ваеннай спецаперацыі ў Данбасе заявіў прэзідэнт Расіі Уладзімір Пуцін. Гэта адбылося 24 лютага, пасля прызнання РФ незалежнасці Данецкай і Луганскай народных рэспублік. Кіраўнік расійскай дзяржавы абазначыў мэты спецаперацыі – дэмілітарызацыя і дэнацыфікацыя Украіны.
У Мінабароны РФ запэўнілі, што наносяць удары толькі па аб’ектах ваеннай інфраструктуры Украіны і ўкраінскіх войсках.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Параненых украінскіх вайскоўцаў з "Азоўсталі" вывязуць на лячэнне ў ДНР – Мінабароны РФ
Лаўроў: Украіна – расходны матэрыял для Захаду ў вайне з Расіяй
Расійскія пагранічнікі спынілі абстрэл сяла ў Курскай вобласці
Папасная перайшла пад кантроль сіл ЛНР і расійскіх вайскоўцаў – фота
Сродкі СПА РФ працягваюць знішчаць украінскія беспілотнікі