У Полацку адкрылі Цэнтр рускай мовы, гісторыі і культуры

ПОЛАЦК, 2 чэр - Sputnik. Руская культура - гэта наша агульная культура, заявіў старшыня Віцебскага абласнога Савета дэпутатаў Уладзімір Цярэнцьеў на адкрыцці Цэнтра рускай мовы, гісторыі і культуры ў Полацку, перадае карэспандэнт Sputnik.

Па ягоных словах, на базе Цэнтра змогуць займацца і студэнты, і выкладчыкі, а таксама жыхары горада і раёна.

Пры гэтым ён звярнуў увагу, што ў суседніх дзяржавах даходзяць да абсурду, калі забараняюць рускую культуру, мову, балет і кнігі, Аляксандра Пушкіна, Льва Талстога і Фёдара Дастаеўскага.

"Я кажу ад імя, напэўна, сотняў тысяч, ды і мільёнаў людзей, якія пражываюць па-за Расійскай Федэрацыяй, але выхаваны на рускай культуры. Мы павінны сёння не закрывацца, а развівацца, вучыцца на гэтай культуры", – упэўнены Уладзімір Цярэнцьеў.

Пасля чаго дадаў, што "руская культура - гэта наша агульная культура, гэта наша мінулае, гэта наша сучаснасць, гэта наша будучыня. Гэта я кажу не як чыноўнік, а як чалавек".

У сваю чаргу кіраўнік прадстаўніцтва Рассупрацоўніцтва Эдуард Крусткалн падзякаваў мясцовым уладам за дапамогу ў адкрыцці Цэнтра на базе Полацкага дзяржаўнага ўніверсітэта.

"Мы разглядаем цэнтр не як дарогу з аднабаковым рухам. Мы ствараем Цэнтр, каб і беларусы маглі выступіць з запытам, што ім цікава, каб яны хацелі даведацца. Мы спадзяемся, што рух будзе двухбаковым", - адзначыў ён.

Паводле яго слоў, у сценах універсітэта ажно да Дня незалежнасці Беларусі будзе дзейнічаць выстава, прысвечаная вызваленню Мінска ад нацыстаў, а таксама таму, як кавалася перамога ў Вялікай Айчыннай вайне.

Эдуард Крусткал запэўніў, што Цэнтр не замкнецца толькі на ўніверсітэце, а яго дзейнасць будзе шырэйшай. Праца будзе накіравана на дзяржаўныя ўстановы, грамадскія арганізацыі і проста людзей, якім неабыякавая руская культура.

Рэктар Полацкага дзяржаўнага ўніверсітэта Алег Раманаў распавёў, што адкрыццё Цэнтра стала вынікам плённай працы з калегамі з Рассупрацоўніцтва.

Паводле яго слоў, Цэнтр рускай мовы, гісторыі і культуры стаў адным з упрыгожванняў Полацкага дзяржаўнага ўніверсітэта. Студэнты зараз маюць доступ да яшчэ адной лакацыі для атрымання якаснай адукацыі.

"Такім чынам, Полацкі ўніверсітэт імкнучыся да высокай якасці адукацыі - гэта адна з нашых мэт, зрабіў чарговы крок на гэтым шляху", - упэўнены Алег Раманаў.

Пасля чаго дадаў, што сёння Беларусь і Расію звязала яшчэ адна нітачка, якая ўмацоўвае гуманітарнае супрацоўніцтва паміж нашымі краінамі.

"Цэнтр рускай мовы, гісторыі і культуры - гэта яшчэ адна пляцоўка для аб'яднання, для таго, каб мы злучаліся ў розных вымярэннях нашага жыцця. У дадзеным выпадку ў гуманітарнай, культурнай і адукацыйнай сферах", - рэзюмаваў рэктар універсітэта.