Цэны на імпартныя лекі знізіліся пасля рэкамендацый Дзяржкантролю

МІНСК, 3 чэр - Sputnik. Буйныя імпарцёры лекаў знізілі кошты пасля таго, як адпаведную рэкамендацыю выдаў ім Камітэт Дзяржкантролю, паведамляе прэс-служба ведамства.

З канца лютага і ў сакавіку з-за росту курсу валют падаражэлі і многія лекавыя прэпараты. Заканадаўства гэта зрабіць дазваляе: можна правесці пераацэнку лекаў па тых пазіцыях, разлікі па якіх не завершаны. КДК адзначыў, што цэннік павялічыўся тады ў сярэднім на 30%.

"Аднак, як правіла, аптовыя пастаўшчыкі праводзяць яе толькі ў сувязі з павелічэннем кошту пастаўляемай прадукцыі. Пры зніжэнні курсу валют пераацэнка тавараў не праводзіцца, што з'яўляецца несправядлівым у адносінах да пакупнікоў", - адзначылі ў ведамстве.

Раней начальнік галоўнага ўпраўлення кантролю бюджэтна-фінансавай сферы КДК Юлія Аўхукова паведамляла, што пасля праверак пастаўшчыкам было прапанавана перагледзець цэннікі. Вось вынік:

Іншыя імпарцёры таксама памянялі кошты сваіх тавараў.

"Змяншэнне разліковай адпускной цаны лекаў паўплывала на зніжэнне кошту лекавых прэпаратаў у аптэчнай сетцы. Цэны зменшаны практычна на ўсе імпартныя лекі, па асобных пазіцыях вельмі істотна", - паведамілі ў Дзяржкантролі.

Раней у Міністэрстве аховы здароўя адзначалі, што рэгулятарыка коштаў на лекавыя прэпараты і вырабы медыцынскага прызначэння ў Беларусі вельмі жорсткая.

Пасля 24 лютага КДК не раз заклікаў аптавікоў знізіць кошты на лекі. У камітэце зазначаюць, што, калі курс беларускага рубля ўпаў, сеткі кошт лекаў павысілі. А калі нацыянальная валюта пачала ўмацоўвацца, прадаўцы не спяшаюцца пераглядаць кошты.