МІНСК, 8 чэр – Sputnik. Міністэрства аховы здароўя лічыць, што не "закручвае гайкі" прыватнаму бізнесу ў сферы медыцыны, а наадварот - дапамагае яму. Пра гэта расказаў кіраўнік Міністэрства аховы здароўя Дзмітрый Піневіч.
Вырашыць пытанне з аднаўленнем ліцэнзіі сеткі прыватных клінік "ЛАДЭ" да гэтага часу не змаглі. У "Нардзіне" пасля праверак Міністэрства аховы здароўя перасталі рабіць частку аперацый.
Кіраўнік ведамства ў чарговы раз адзначыў, што кантроль за бізнесам у прыватнай сферы - звычайная справа: ён быў, ёсць і будзе расці.
"Мы, напрыклад, ужо прыпынялі дазвол на хірургічную дапамогу ў "Нардзіне". Былі пытанні да многіх стаматалагічных устаноў. У "ЛАДЭ" быў цэлы комплекс праблем, пачынаючы ад дакументаў, заканчваючы парушэннямі санэпідрэжыму і ўмоў захоўвання імунных біяпрэпаратаў", - заявіў Дзмітрый Піневіч у інтэрв'ю "СБ. Беларусь сегодня".
Кіраўнік Міністэрства аховы здароўя не лічыць гэта "закручваннем гаек" прыватнаму бізнесу: наадварот, такім чынам яму дапамагаюць. Растлумачыў ён наступным чынам: прыватным медцэнтрам дазволілі рабіць платныя прышчэпкі ("толькі правільна іх захоўвайце"), яны выдаюць бальнічныя лісты.
"Дзякуючы гэтай навацыі пацыентаў у прыватнікаў стала больш, і ўсе яны — платныя. Атрымліваецца, што мы дапамагаем, а не нешта там закручваем. Але калі я ўбачыў у "ЛАДЭ" каля 90 парушэнняў па бальнічных, гэта выклікала, мякка кажучы, негатыўную рэакцыю", - гаворыць Піневіч.
Ці душаць бізнес?
Кіраўнік ведамства дадаў, што прыпыненне ліцэнзій ідзе медцэнтрам толькі на карысць. Спыніўся ён асобна на "больш жорсткім стаўленні" да прыватнікаў, чым да дзяржклінікаў.
"У нас ёсць сістэма акрэдытацыі, таму ў час праверак мы глядзім, наколькі ўстанова адпавядае патрабаванням. Многія дзяржаўныя клінікі іх таксама не праходзяць і таму не атрымліваюць акрэдытацыю на тыя ці іншыя віды паслуг", - дадаў Дзмітрый Піневіч.
Узяліся за прыватныя медцэнтры
З 16 мая Міністэрства аховы здароўя прыпыніла дзеянне ліцэнзіі ў "Клініцы А1" і сеткі медцэнтраў "ЛАДЭ" з-за "шматлікіх парушэнняў".
Адразу пасля гэтага пасля праверак было выдадзена прадпісанне цэнтру "Нардзін".
Камітэт дзяржкантролю папярэджваў, што праверкі ў адносінах да прыватных медцэнтраў будуць працягвацца. На чарзе - стаматалогіі.
>>> Жадаеце яшчэ больш актуальных і цікавых навін - падпісвайцеся на Telegram-канал Sputnik Беларусь
Таксама на Sputnik:
Прыватнага ўжо наеўся: Лукашэнка паабяцаў развіваць дзяржахову здароўя
Мінздароўя прыпыніла ліцэнзіі на дзейнасць двум прыватным медцэнтрам
Дзяржкантроль возьмецца за стаматалагічныя клінікі