Як выглядае плот Польшчы на мяжы з Беларуссю – фота

Паліцэйская машына патрулюе дарогу ўздоўж сцяны на польска-беларускай мяжы.

Дзесяткі кіламетраў металічнай загароды выраслі на польска-беларускай мяжы.

Афіцэр пагранічнай службы дзяжурыць на мяжы.

Сцяна будуецца з рашэцістых металічных канструкцый вышынёй 5,5 метраў, з якіх 5 метраў – гэта стальныя слупы, усталяваныя на бетонным падмурку, яшчэ паўметра – калючы дрот.

Канструкцыю аснасцяць камерамі начнога бачання, датчыкамі руху.

Частка плота зроблена з "канцэрціны" – гэта спіральны металічны бар’ер, віткі якога парамі злучаны паміж сабой спецыяльнымі дужкамі. На кожным вітку можа быць да сямі вострых скоб, якія размешчаны так, што ўпіваюцца ў любога парушальніка. Жывёлы, трапляючы ў "канцэрціну", пачынаюць біцца і кідацца, атрымліваючы сур’ёзныя траўмы.

Від з паветра на збудаваную сцяну.

Пагранічнікі патрулююць мяжу на квадрацыклах.

Маёр Катажына Здановіч, прэс-сакратар пагранічнай службы Падляскага ваяводства.

У сувязі з узвядзеннем сцяны кіраўнік МЗС Беларусі Уладзімір Макей абвінаваціў Польшчу ў парушэнні Канвенцыі аб ахове сусветнай спадчыны. Справа ў тым, што плот пагражае жыццю і захаванню папуляцый жывёл, якія жывуць у Белавежскай пушчы. Як паведамляла ДПК Беларусі, з верасня 2021 года "25 дзікіх звяроў забіта загародамі" на мяжы Літвы, Латвіі і Польшчы з Беларуссю.