МІНСК, 10 чэр – Sputnik. Расійскі бок гатовы да размяшчэння беларускіх аблігацый на рынку каштоўных папер Расіі, аб гэтым заявіў журналістам намеснік міністра фінансаў краіны Аляксей Маісееў.
"Думаю, мы сёння абмяркуем размяшчэнне аблігацый беларускага міністэрства фінансаў у Расіі. Мы гатовы, каб такое размяшчэнне прайшло", - прыводзіць словы Маісеева БелТА.
Ён таксама выказаў упэўненасць у тым, што расійскія інвестары "выкажуць высокую цікавасць да беларускіх каштоўных папер".
Таксама актыўна ідзе пытанне прызнання гарантый беларускіх банкаў для мэт удзелу ў сістэме дзяржзакупак РФ.
"Гэта трэба для таго, каб беларускія тавары маглі пастаўляцца па дзяржзакупках у Расію не пад гарантыі расійскіх банкаў, якія цяпер цяжка атрымаць, а пад гарантыі сваіх беларускіх, з якімі працуюць", - адзначыў ён.
Паводле слоў Майсеева, цяпер распрацоўваецца адпаведная пастанова ўрада Расіі, дакумент рыхтуецца да падпісання.
Нагадаем, што ў 2021 годзе прэзідэнт Беларусі Аляксандр Лукашэнка выдаў указ, якім даручыў Савету міністраў у 2021-2023 гадах актыўна прыцягваць знешнія дзяржаўныя пазыкі. Размова ідзе аб эмісіі на тэрыторыі РФ дзяржаўных каштоўных папер у якасці дзяржаўных даўгавых абавязацельстваў на суму да 100 млрд расійскіх рублёў.
Таксама было прынята рашэнне, што грошы, атрыманыя ад размяшчэння аблігацый на тэрыторыі Расіі, будуць залічвацца на банкаўскі рахунак Мінфіна РБ у расійскі "Газпромбанк".
Беларусь прыцягвае знешнія дзяржпазыкі для пагашэння дзяржаўнага доўгу, сярод найбуйнейшых дзяржпазык – аблігацыі, якія размяшчаюцца на знешніх фінансавых рынках і пазыкі ад урада і банкаў Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Знешні дзярждоўг Беларусі ў студзені - сакавіку знізіўся
Агенцтва Moody's панізіла крэдытны рэйтынг Беларусі на чатыры ступені
Расія гатова дапамагчы Беларусі рэфінансаваць доўг