МІНСК, 12 чэр - Sputnik. Надзвычайны і Паўнамоцны пасол Расіі ў Беларусі Барыс Грызлоў адзначыў важнасць саюзніцкіх адносін дзвюх краін і назваў Беларусь самым блізкім саюзнікам РФ.
"Мы сёння адзначаем Дзень Расіі ў сталіцы самага блізкага нам суседа і саюзніка. Шчыра рады, што нашы беларускія сябры і браты сёння разам з намі на гэтым свяце", - сказаў Грызлоў, выступаючы з прывітальным словам на сцэнічнай пляцоўцы ў цэнтры Мінска.
"Мы заўсёды разумеем і падтрымліваем адзін аднаго, паміж намі няма граніц. Расія і Беларусь былі блізкія і ў гады самых цяжкіх выпрабаванняў. У гады Вялікай Айчыннай вайны наша адзіная краіна атрымала перамогу над самым страшным і самым небяспечным ворагам", - падкрэсліў расійскі дыпламат, адзначыўшы, што "менавіта ў адзінстве наша сіла і залог нашай агульнай будучыні".
Па словах Грызлова, грамадзяне дзвюх краін даражаць тысячагадовай гісторыяй, магутнымі дасягненнямі, вялікай культурай і ўнікальнымі прыроднымі багаццямі.
Дзень Расіі - гэта свята, якое азначае ўвесь гістарычны шлях расійскай дзяржавы, якая бесперапынна развіваецца і жыве ўжо больш за 11 стагоддзяў, працягнуў ён.
"У нашай краіне былі зроблены ўнікальныя навуковыя адкрыцці, створаны культурныя і літаратурныя шэдэўры, расійскі народ унёс вялікі ўклад у прагрэс усёй цывілізацыі", - сказаў Грызлоў.
"У нашых сэрцах важнае месца займае любоў да Айчыны, любоў да Радзімы. У нас яна ідзе з глыбіні душы і закладзена ў культурным і генетычным кодзе, закладзена ў традыцыях, якія ствараліся стагоддзямі і шанаваліся нашымі продкамі. Мы ў Расіі іх свята і беражліва захоўваем . Гэтак жа іх захоўваюць на беларускай зямлі", - адзначыў Грызлоў.
Саюзніцкія адносіны
Пры гэтым ён адзначыў важнасць саюзніцкіх адносін Беларусі і Расіі.
"Нашы краіны развіваюць саюзнае будаўніцтва, умацоўваюць Саюзную дзяржаву. Жыццё пацвярджае, што гэта правільнае рашэнне, Саюзная дзяржава - гістарычны выбар нашых народаў, яна заснавана на нашай агульнай гісторыі і нашых традыцыях", - сказаў пасол.
"На працягу многіх стагоддзяў нашы праціўнікі не раз спрабавалі зламаць нашы народы, любой цаной разарваць наш саюз. Ім гэтага не ўдалося, і не ўдасца ніколі. Мы разам адкажам на любыя выклікі і пераадолеем любыя пагрозы", - сказаў расійскі дыпламат.
Ён падкрэсліў, што толькі разам краіны змогуць дасягнуць амбіцыйных мэт, перамагаць, ісці наперад.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Вялікі канцэрт да Дня Расіі адбудзецца ў цэнтры Мінска ў суботу
Мінск святкуе Дзень Расіі - фота